ક્યાંથી આવ્યા રૂપિયા? / ખંભાતમાં સામાન્ય કર્મચારીના ઘરેથી રૂ.3.25 કરોડ રોકડાં મળતાં ખળભળાટ, જુઓ શું કામ કરે છે શખ્સ

• સામાન્ય કર્મચારીના ઘરે SOGની રેડ
• 3.25 કરોડ રૂપિયા રોકડા મળ્યા
• 2 હજારના 50 , 500ના 450 બંડલ મળ્યા

​ખંભાતમાં એક સામાન્ય કર્મચારીને ઘરેથી 3 કરોડ 25 લાખ મળી આવ્યાં છે. SOGએ બાતમીના આધારે કાર્યવાહી કરી હતી. ખાનગી ફેક્ટરીમાં કામ કરતા કર્મચારી રાજેશ પટેલને ત્યાં દરોડા પાડવામાં આવ્યાં છે. જેમાં 2 હજારની નોટના 50 અને 500ની નોટના 450 બંડલ મળી આવ્યા છે. કુમાર ફળિયામાં રહેતા રાજેશ પટેલના ઘરેથી આ રકમ મળી છે. તેમજ  રાજેશ પટેલ કેમિકલ બનાવતી ખાનગી ફેક્ટરીનો કર્મચારી છે. આ 3 કરોડ 25 લાખને લઇને SOGએ પૂછપરછ શરૂ કરી છે.

ઈન્કમ ટેક્ષે નહીં પરંતુ SOGએ શોધી કાઢ્યા 3 કરોડથી વધુ રોકડા

દરોડા પાડવાનું સમગ્ર કામ આણંદ SOG દ્વારા કરવામાં આવ્યું હતું. જો કે, આ મામલે ઈન્કમટેક્ષને બાદમાં જાણ થઈ હતી. SOGએ બાતમી આધારે દરોડા પાડ્યા બાદ પરિવારને આ રોકડ રૂપિયા અંગે પૂછપરછ કરી હતી. સાથે આટલા મોટા પ્રમાણમાં રકમ ક્યાંથી લાવ્યા તે અંગે પણ માહિતી માગી હતી. જો કે, પરિવારનો કોઈ સદસ્ય સંતોષકારક જવાબ આપી શક્યો નહોતો.