પેપરકાંડમાં અત્યાર સુધીમાં 11 માંથી 8 આરોપીઓ ઝડપાયા છે જ્યારે બાકીના આરોપીઓ હજુ પણ પોલીસ પકડથી દૂર, પેપરકાંડના આરોપી દર્શન પાસેથી રોકડ 23 લાખ રૂપિયા કબ્જે કરાયા છે
હેડ ક્લાર્ક ભરતી પરીક્ષા પેપર લીક મામલો
સમગ્ર કેસમાં પોલીસે 11 લોકો સામે નોંધી છે ફરિયાદ
અત્યાર સુધીમાં કુલ 8 આરોપીઓની કરાઈ છે ધરપકડ
હેડક્લાર્કની પરીક્ષાનું પેપર લીક થતા ઘેરા પ્રત્યાઘાત પડી રહ્યા છે, પરીક્ષામાં પેપર લીક થવા મુદ્દે રાજકારણ ગરમાયું છે, ત્યારે આજે સાબરકાંઠાના પોલીસ વડા નીરજ બડગુજર દ્વારા પત્રકાર પરિષદ યોજવામાં આવી હતી મહત્વનું છે કે પેપરકાંડમાં અત્યાર સુધીમાં 11 માંથી 8 આરોપીઓ ઝડપાયા છે જ્યારે બાકીના આરોપીઓ હજુ પણ પોલીસ પકડથી દૂર છે મહત્વનું છે કે હેડક્લાર્કની પરીક્ષાના પેપરલીક મામલે હજુ પણ મોટા ખુલાસા થઈ શકે છે, પેપરલીકના તાર સચિવાલય સુધી પહોંચી શકે છે, હાલ જયેશ પટેલ પોલીસ પકડથી દૂર છે. પણ મુખ્ય આરોપી જયેશ પટેલની ધરપકડ બાદ મોટા ખુલાસા થઈ શકે છે, પેપરકાંડમાં અધિકારી તેમજ નેતાની સંડોવણી પણ બહાર આવી શકે છે.
પેપર લીક કેસના તાર ખેડા સુધી પહોંચ્યા
હેડ ક્લાર્કની પરીક્ષામાં એકબાદ એક ખુલાસા સામે આવી રહ્યા છે ત્યારે વધુ એક ખુલાસો થયો છે, પેપરલીકમાં ખેડાના એક શિક્ષકની અચકાયત કરવામાં આવી છે. માતરના શિક્ષકની સંડોવણી હોવાનું મનતા પોલીસ શંકાના આધારે શિક્ષકની અટકાયત કરી સમગ્ર મામલે પોલીસે તપાસ હાથ છે.
ખાનગી પ્રેસમાંથી પેપર લીક થયાની સંભાવના
હેડ ક્લાર્કની પરીક્ષા પેપર લીકકાંડમાં મહત્વની વિગતો સામે આવી છે, ખાનગી પ્રેસમાં પેપર છપાયું હોવાનું માનવામાં આવી રહ્યું છે અને ખાનગી પ્રેસમાંથી પેપર લીક થયાની પ્રબળ સંભાવના સેવાઈ રહી છે. પેપર અન્ય રાજ્યની ખાનગી પ્રેસમાં પેપર છપાયું કે કેમ તે દિશામાં પણ પોલીસે તપાસ હાથ ધરી છે, પોલીસ દ્વારા પ્રેસ સાથે સંકળાયેલા લોકોના નિવેદન લેવાશે. મહત્વનું છે કે બિન સચિવાલય પરીક્ષાનું લીક થયેલું પેપર પણ ખાનગી પ્રેસમાં છપાયું હતું ત્યારે બિન સચિવાયલની પેપર લીકની મોડસ ઓપરેન્ડીની થિયરી પર પોલીસે તપાસ શરૂ કરી છે. તેમજ અન્ય રાજ્યના કનેક્શન અંગે પણ પોલીસ તપાસ કરી રહી છે.
હેડ ક્લાર્ક ભરતી પરીક્ષા પેપર લીક મામલો
પેપરલીક કેસમાં 8 આરોપીઓની ધરપકડ કરવામાં આવી છે જ્યારે આરોપી દર્શન પાસેથી રોકડ 23 લાખ રૂપિયા કબ્જે કરાયા છે. હિંમતનગરમાં દર્શનના ઘરેથી પોલીસને 23 લાખની રોકડ મળી આવતા તપાસનો ધમધમાટ શરૂ થઈ ગયો છે. આ 23 લાખ રૂપિયા જુદા જુદા ઉમેદવારો પાસેથી લીધા હોવાનું પણ મનાઈ રહ્યું છે એટલું જ નહીં આરોપીએ ઉમેદવારોને ઘરે પેપર સોલ્વ કરાવવામાં પણ મદદ કરી હતી હાલ અન્ય આરોપીઓની શોધખોળ ચાલી રહી છે, ત્યારે પકડાયેલા આરોપીઓને આજે કોર્ટમાં રજૂ કરવામાં આવશે અને 14 દિવસના રિમાન્ડ માંગવામાં આવશે, મહત્વનું છે કે ગઈ કાલે આરોપીઓ સામે પ્રાંતિજ પોલીસ સ્ટેશનમાં ફરિયાદ દાખલ કરવામાં આવી હતી.
સમગ્ર કેસમાં પોલીસે 11 લોકો સામે નોંધી છે ફરિયાદ
હેડ ક્લાર્ક ભરતી પરીક્ષા પેપરલીક કેસમાં તપાસ તેજ કરવામાં આવી છે, જે સ્ટ્રોંગ રૂમથી પેપર લીક થયું ત્યાં તપાસ કરવામાં આવશે, આ પેપર લીક થયા બાદ કેટલા લોકો સુધી પહોંચ્યું તેમજ સ્ટ્રોંગ રૂમમાંથી કઈ રીતે પેપર બહાર આવ્યું, સ્ટ્રોંગરૂમની જવાબદારી ધરાવનાર તમામની તપાસ થશે. આ તપાસમાં સરકારી અધિકારીઓ અને કર્મચારીઓની સંડોવણી પણ બહાર આવી શકે છે.
પેપરલીક કેસમાં આ 11 લોકોની સંડોવણી હોવાનું સામે આવ્યું