કોના પૈસે દિવાળી / ગુવાહાટીની હોટલમાં મહારાષ્ટ્રનાં બળવાખોર ધારાસભ્યો પાછળ 1.5 કરોડ રૂપિયા ખર્ચાઈ ગયા, રોજનો જમવાનો ખર્ચ લાખોમાં

• મહારાષ્ટ્રના રાજકીય સંકટ વચ્ચે ગુવાહાટીમાં હોટેલ રેડિસન BLU ચર્ચાનું કેન્દ્ર
•  રેડિસન બ્લુ હોટેલ કિલ્લામાં પરિવર્તિત થઈ ગઈ છે. 
• સૂત્રોના જણાવ્યા અનુસાર રેડિસન બ્લુ હોટલના 70 રૂમ સાત દિવસ માટે બુક

મહારાષ્ટ્રના રાજકીય સંકટ વચ્ચે ગુવાહાટીમાં હોટેલ રેડિસન BLU ચર્ચાનું કેન્દ્ર

મહારાષ્ટ્રના રાજકીય સંકટ વચ્ચે ગુવાહાટીમાં હોટેલ રેડિસન BLU આ સમયે ચર્ચાનું કેન્દ્ર છે. બળવાખોર એકનાથ શિંદે અને તેમના સમર્થક ધારાસભ્યોએ આ હોટલમાં પડાવ નાખ્યો છે. શિવસેનાના બળવાખોર ધારાસભ્યો જ્યાં રોકાયા છે તે હોટલમાં આજે તૃણમૂલ કોંગ્રેસ વતી વિરોધ પ્રદર્શન કરવામાં આવ્યું હતું.હોટલની બહાર મોટી સંખ્યામાં તૃણમૂલ કોંગ્રેસના કાર્યકરો એકઠા થયા હતા અને ભાજપ વિરોધી સૂત્રોચ્ચાર કર્યા હતા. શિંદે અને તેમના સમર્થક શિવસેનાના ધારાસભ્યો માંગ કરી રહ્યા છે કે પાર્ટી કોંગ્રેસ અને NCP સાથેના સંબંધો તોડીને તેમના ભૂતપૂર્વ ભાગીદાર ભારતીય જનતા પાર્ટીમાં ફરી જોડાય.

સૂત્રોના જણાવ્યા અનુસાર રેડિસન બ્લુ હોટલના 70 રૂમ સાત દિવસ માટે બુક

આસામ બીજેપી અને રેડિસન બ્લુના સૂત્રો પાસેથી મળેલી માહિતી મુજબ આ હોટલના કુલ 70 રૂમ સાત દિવસ માટે બુક કરવામાં આવ્યા છે. આ બુકિંગ કોન્ટ્રાક રેટ પર છે. ધારાસભ્યોના રહેવા અને ખાવાનો અંદાજિત ખર્ચ પ્રતિદિન 8 લાખ રૂપિયા છે, તેથી બળવાખોર ધારાસભ્યોના 7 દિવસ સુધી હોટલમાં રહેવા અને ખાવાનો ખર્ચ લગભગ 56 લાખ રૂપિયા થશે. ગુવાહાટીની લક્ઝરી હોટલની બહાર સુરક્ષાકર્મીઓ તૈનાત છે જ્યાં બળવાખોર ધારાસભ્યોના જૂથને રાખવામાં આવ્યા છે.

ગુવાહાટી પોલીસે હોટલના અંગત સુરક્ષા ગાર્ડ પાસેથી સુરક્ષાની જવાબદારી લીધી

આ સાથે રેડિસન બ્લુ હોટેલ કિલ્લામાં પરિવર્તિત થઈ ગઈ છે. આ હોટલમાં સામાન્ય લોકોના પ્રવેશ પર લગભગ હવે પ્રતિબંધ છે. ગુવાહાટી પોલીસે હોટલના અંગત સુરક્ષા ગાર્ડ પાસેથી સુરક્ષાની જવાબદારી લીધી છે. નજીકના જલુકબારી પોલીસ સ્ટેશનના કર્મચારીઓ ઉપરાંત, આસામ પોલીસના રિઝર્વ બટાલિયન અને કમાન્ડો યુનિટના ડઝનેક જવાનો હોટેલ પર નજર રાખી રહ્યા છે. હોટેલ લોકપ્રિય ગોપીનાથ બોરદોલોઈ ઈન્ટરનેશનલ એરપોર્ટથી લગભગ 15 કિમી દૂર સ્થિત છે.