રૂ. 100ની નવી નોટ ATMમાં ફિટ કરવા માટે થશે આટલા કરોડો રૂપિયાનો ખર્ચો

રિઝર્વ બેંક ઓફ ઈન્ડિયા (RBI)એ 100 રૂપિયાની નોટની નવી ડિઝાઈન ગુરૂવારે જાહેર કરી. નવી નોટનો આકાર હાલની નોટો કરતા અલગ હોવાથી એટીએમને રીકેલિબ્રેટ કરવા પડશે. એટીએમ ઓપરેશન ઈન્ડસ્ટ્રી મુજબ નવી નોટોને કારણે દેશના 2.4 લાખ મશીનોને રીકેલિબ્રેટ કરવા પર 100 કરોડ રૂપિયા ખર્ચ થશે.

તાજેતરમાં 200 રૂપિયાની નોટ જારી કરવામાં આવી હતી અને તેના માટે  ATMને રીકેલિબ્રેટ કરવા પડ્યા હતા. ઇન્ડસ્ટ્રીના જાણકારોઓ  અનુસાર 200 રૂપિયાની નોટ માટે તમામ ATM રીકેલિબ્રેટ કરવાની કામગીરી પૂરી થઇ નથી ત્યારે 100 રૂપિયાની નવી નોટ આવી ગઇ છે. 

ઈન્ડસ્ટ્રી લોબી કેટમીના ડિરેક્ટર અને એફએસએસના પ્રેસિડેન્ટે કહ્યું કે ''100 રૂપિયાની નવી નોટ માટે ATMને રીકેલિબ્રેટ કરવા પડશે. ભારતમાં અંદાજીત 2.4 લાખ ATM છે અને તમામ ATMને રીકેલિબ્રેટ કરવા પડશે.''

તેમને આગળ જણાવ્યુ કે નવી  અને જૂની બંને નોટીની હાજરી એક પડકાર છે. હિટાચી પેમેન્ટ સર્વિસેસના MDએ કહ્યું કે ''100 રૂપિયાની નવી નોટો માટે તમામ ATM રીકેલિબ્રેટ કરવા માટે 100 કરોડ રૂપિયાનો ખર્ચ થશે અને તેમાં 12 મહિનાનો સમય લાગશે.''