નિર્ણય / હવે ગાડી ચલાવતી વખતે ફોન પર વાત કરશો તો 10,000નો દંડ, આ રાજ્ય સરકારનો મોટો નિર્ણય

• ઉત્તર પ્રદેશની યોગી સરકારનો મહત્વનો નિર્ણય 
• હેલ્મેટ વિના બાઈક અને સીટ બેલ્ટ વિના કાર માટે ભરવો પડશે દંડ 
• હેલ્મેટ વિના બાઈક અને સીટ બેલ્ટ વિના કાર 

મહત્વનું છે કે આ પહેલાં કેન્દ્ર સરકારે મોટર વાહન સંશોધન કાયદા દ્વારા દેશભરમાં ટ્રાફિક નિયમોના ઉલ્લંઘન પર દંડને વધાર્યો હતો. હવે એક વર્ષ બાદ યુપી સરકારે તેને વધારવાનો નિર્ણય કર્યો છે. 

ફોન પર વાત કરનારને થશે દંડ 

યુપી સરકારે સૌથી કડક નિયમ ફોન પર વાત કરવાના વાહનચાલકો માટે બનાવ્યો છે. જ્યાં પહેલાં આ ઉલ્લંઘન પર એક હજાર રૂપિયાનો દંડ લાગતો હતો. જ્યારે દંડ 10 ગણો વધારી દેવાયો છે. જ્યારે હવે ગાડી ચલાવતી વખતે ફોન પર વાત કરનારા ચાલકને 10 હજાર રૂપિયાનો દંડ લાગશે. આ જ રીતે એમ્બ્યુલન્સ અને ફાયર બ્રિગેડની ગાડીઓને રસ્તો ન આપવા માટે પણ 10 હજારના દંડની જોગવાઈ કરાઈ છે. 

ઉત્તર પ્રદેશની યોગી સરકારનો મોટો નિર્ણય

નવા નિયમો મુજબ હવે હેલ્મેટ વિના ટુ વ્હીલર ચલાવવા પર 500ને બદલે 1000 રૂપિયાનો દંડ વસૂલાશે. જ્યારે સીટ બેલ્ટ વિના કાર ચલાવવા પર પણ 1000નો દંડ હશે. બીજી બાજુ જો કોઈ વ્યક્તિ બે વખત નો-પાર્કિંગ ઝોનમાં કાર ઊભી કરે છ તો 1500 રૂપિયા દંડ વસૂલાશે. જ્યારે પહેલાં પાર્કિંગના નિયમ તોડવા પર પ્રથમ વખતમાં 500 અને બીજી વખતે 1000 રૂપિયા ભરવો પડતો હતો. 

યુપી સરકારે ગેરકાયદેસર રીતે ગાડીમાં બદલાવ કરીને તેને વેચનારા લોકો પાસેથી 1 લાખ દંડ વસૂલવાનો નિયમ બનાવ્યો છે. જ્યારે ડ્રાઈવિંગ લાયસન્માં ખોટી જાણકારી આપવા માટે 10 હજાર રૂપિયાનું ચલાણ કપાશે જેમાં પહેલાં 2500 લેવાતા હતા.