વાપીનાં ચણોદ વિસ્તારમાં આવેલા IIFL(ઈન્ડિયા ઈન્ફોલાઈન) ગોલ્ડ લોન અને ફાયનાન્સની ઓફિસમાં કર્મચારીઓને બંધક બનાવીને રૂપિયા10 કરોડની લૂંટ ચલાવવામાં આવી છે. ત્યારે માત્ર 10 મિનિટમાં કર્મચારીઓનો બંધક બનાવી કેવી રીતે લુંટારુઓ ભાગી ગયાં....
IIFLમાં કર્મચારીઓને બંધક બનાવી લૂંટ ચલાવવામાં આવી
6 બુકાનીધારીઓએ IIFLમાં 10 મિનિટમાં આ લૂંટચલાવી હતી
પોલીસે પડોશી રાજ્યને પણ આ લૂંટની જાણ કરી છે
6 બુકાનીધારીઓએ IIFLમાં 10 મિનિટમાં આ લૂંટચલાવી હતી
વાપીનાં ચણોદમાં ચંદ્રલોક એપાર્ટમેન્ટનાં પહેલા માળે આવેવા IIFL ગોલ્ડ લોન બેંકમાં 6 બુકાનીધારી શખ્શો સવારે પોણા 10 વાગે ઘૂસ્યાં હતાં. બુકાનીધારીઓની પાસે રિવોલ્વર જેવા ઘાતક હથિયારો છે. હથિયારો બતાવીને બુકાનીધારીઓએ કર્મચારીઓનાં મોઢે સેલોટેપ બાંધીને બંધક બનાવ્યાં હતાં. તેમજ લોકરમાં રહેલું 8 કરોડથી વધુનું સોનું લુંટી લુંટારુઓ ફરાર થઈ ગયાં હતાં. આ તમામ ઘટનાં માત્ર 10 મિનિટમાં ઘટી હતી. લુંટારુઓ મોઢે બુકાની બાંધી હતી, ઝભ્ભો લેંઘો અને જેકેટ પહેર્યું હોવાનું કર્મચારીઓનું કહેવું છે. ઘટનાનાં પગલે પોલીસ અધિકારી સહિતનો કાફલો ઘટના સ્થળે પહોંચી ગયો હતો.
પોલીસે પડોશી રાજ્યને પણ આ લૂંટની જાણ કરી છે
ભરચક વિસ્તારમાં ધોળા દિવસે થયેલી લૂંટને પગલે પોલીસે તપાસ હાથ ધરી છે. ઓફિસની બહાર ખાનગી સિક્યોરીટી હોવા છતાં કર્મચારીઓને બંધક બનાવી આ લૂંટચલાવાઈ છે. તેમજ ઘટનાને પગલે સમગ્ર રાજ્યમાં તેમજ આસપાસનાં પાડોશી રાજ્યોની નાકાબંધીની જાણ કરવામાં આવી છે. તેમજ સીસીટીવી ફૂટેજને આધારે પોલીસે વધારે તપાસ હાથ ધરી છે. આ અંગે વલસાડનાં SP સુનિલ જોશીએ જણાવ્યું હતું કે, IIFL ખાનગી ગોલ્ડ લોન અને ફાયનાન્સની ઓફિસમાંથી લૂંટનો બનાવ બન્યો છે. આ અંગે પોલીસે તપાસ હાથ ધરી છે અને મહારાષ્ટ્રની બોર્ડર સહિત જિલ્લા અને રાજ્યમાં પણ નાકાબંધી કરવા સૂચના આપી દેવામાં આવી છે.