S.S Rajamouliનાં ડાયરેક્શનમાં બની RRRનાં વખાણ ઈન્ટરનેશનલ મંચમાં પણ થઈ રહ્યાં છે ત્યારે ડાયરેક્ટરનાં એક મોટાં નિવેદને લોકોનું ધ્યાન પોતાના તરફ ખેંચ્યું છે. તેમણે એલાન કર્યું છે કે RRR એક બોલિવૂડ ફિલ્મ નથી.
S.S Rajamouliએ ફિલ્મને લઈને કર્યો મોટો ખુલાસો
કહ્યું RRR એક બોલિવૂડ ફિલ્મ નથી
બોલિવૂડની ફિલ્મ અને ગીત પર કરી ટિપ્પણી
એસ.એસ રાજમૌલીનાં ડાયરેક્શનમાં બનેલી RRR ઈન્ટરનેશનલ મંચમાં પણ ફેમ કમાઈ રહી છે. આ ફિલ્મમાં જૂનિયર NTR અને રામચરણે પોતાના અભિનયમાં પોતાની જાન રેળી છે. હવે આ બંને સ્ટાર એક આંતરરાષ્ટ્રીય બ્રાન્ડનાં રૂપે આગળ વધી રહ્યાં છે. ફિલ્મ મેકર રાજામૌલીએ હાલમાં જ ગોલ્ડન ગ્લોબ એવોર્ડ પોતાના નામે કર્યો છે જ્યાં આ ફિલ્મનું ઉત્તમ ગીત નાટૂ-નાટૂએ બેસ્ટ ઓરિજનલ સોંગ કેટેગરીમાં જીત હાંસિલ કરી છે. રાજામૌલીના એક નિવેદને હાલમાં ફિલ્મ જગતનાં કાન ઊંચા કર્યાં છે.
'RRR એ બોલિવૂડ ફિલ્મ નથી'
એસ.એસ રાજામૌલીએ એક અણધાર્યું નિવેદન આપી લોકોનું ધ્યાન પોતા તરફ આકર્ષિત કર્યું છે. એક સ્ક્રીનિંગ દરમિયાન તેમણે RRR ફિલ્મને બોલિવૂડથી અલગ કરી દીધેલ છે. તેમણે RRRને બોલિવૂડની ફિલ્મ માનવાથી ઈનકાર કર્યો છે. હાલમાં મીડિયા સાથેની વાતચીત દરમિયાન રાજામૌલીએ જણાવ્યું કે RRR એ બોલિવૂડ ફિલ્મ નથી. રાજામૌલીએ પોતાની વાત સ્પષ્ટ કરતાં કહ્યું કે તેમની ફિલ્મનું દરેક ગીત કહાણીને આગળ વધારે છે.
રાજામૌલીએ કર્યો ખુલાસો
રાજામૌલીએ કહ્યું કે RRR એક બોલિવૂડ ફિલ્મ નથી, તે ભારતનાં સાઉથની એક તેલુગુ ફિલ્મ છે જ્યાંથી હું આવું છું. હું ફિલ્મોમાં ગીતોનો ઉપયોગ કહાણીને આગળ વધારવા માટે કરૂં છું.તેમણે એ પણ સ્પષ્ટ કર્યું કે તેમની ફિલ્મનાં ગીતો સ્ટોરીને તોડતાં નથી જેવું બોલિવૂડ ફિલ્મમાં મોટાભાગે થાય છે. તેમની ફિલ્મોનાં ગીતો તો સ્ટોરીને આગળ વધારે છે.
RRR એક એક્શન ડ્રામા ફિલ્મ છે જેમાં જૂનિયર NTR અને રામચરણે આદિવાસી નેતા કોમારામ ભીમ અને ક્રાંતિકારી અલ્લૂરી સીતા રામ રાજૂનું પાત્ર ભજવ્યું છે. RRR ફિલ્મ એ આઝાદી પહેલાની સ્ટોરી છે. જેમાં 2 મિત્રો ફરતાં મોજ કરતાં રહે છે અને બ્રિટિશ શાસનની વિરુદ્ધમાં જંગ છેડી દીધી હતી.