Recruitment / રેલવેમાં 11,558 પદ પર નીકળી ભરતી, ફોર્મ ભરતી વખતે આ ખાસ બાબતોનું રાખજો ધ્યાન

નોકરી શોધતા યુવાનો માટે સારા સમાચાર સામે આવ્યા છે. રેલ્વે ભરતી બોર્ડ (RRB) દ્વારા રોજગાર અખબારમાં પ્રકાશિત એક ટૂંકી સૂચના અનુસાર, સ્નાતક અને અંડરગ્રેજ્યુએટ પોસ્ટ્સ માટે ખાલી જગ્યાઓ હશે. RRB ટૂંક સમયમાં જ સત્તાવાર વેબસાઇટ પર NTPC ભરતી માટે સૂચના બહાર પાડશે. આ ભરતી ઝુંબેશ હેઠળ, વિવિધ નોન-ટેક્નિકલ પોસ્ટ્સ માટે 11,558 જગ્યાઓ પર નિમણૂક કરવામાં આવશે. ગ્રેજ્યુએટ કેટેગરી હેઠળ કુલ 8113 પોસ્ટ્સ અને અંડરગ્રેજ્યુએટ કેટેગરીમાં 3445 પોસ્ટ્સ પર ભરતી થશે. સ્નાતક પદો પર ભરતી માટે ઉમેદવારો માટેની સત્તાવાર લિંક સપ્ટેમ્બર 14, 2024 ના રોજ ખુલશે અને છેલ્લી તારીખ ઓક્ટોબર 13 છે. જ્યારે અંડરગ્રેજ્યુએટ (10+2) પોસ્ટ માટે સત્તાવાર વેબસાઇટ પરની લિંક 21 સપ્ટેમ્બર, 2024ના રોજ ખુલશે અને અરજી કરવાનો છેલ્લો દિવસ 20 ઓક્ટોબર, 2024 છે.

હાલમાં દેશમાં યુવાનો બેરાજગારીથી ઝઝુમી રહ્યા છે. લોકો લાંબા સમયથી આ ભરતીની રાહ જોઈ રહ્યા હતા. તમને જણાવી દઈએ કે 12મું પાસ ઉમેદવારો અંડરગ્રેજ્યુએટ પોસ્ટ માટે અરજી કરી શકે છે. અરજી કરવા માટે ઉમેદવારોની ઉંમર 18 થી 30 વર્ષની વચ્ચે હોવી જોઈએ. અનામત વર્ગના ઉમેદવારોને મહત્તમ વય મર્યાદામાં છૂટછાટ આપવામાં આવશે.

જે જગ્યાઓ માટે ભરતી કરવામાં આવી

સ્નાતક સ્તરની પોસ્ટ

1. ચીફ કોમર્શિયલ કમ ટિકિટ સુપરવાઈઝર – 1,736
2. સ્ટેશન માસ્ટર- 994
3. ગુડ્સ ટ્રેન મેનેજર – 3,144
4. જુનિયર એકાઉન્ટ આસિસ્ટન્ટ કમ ટાઈપિસ્ટ – 1,507
5. સિનિયર ક્લાર્ક કમ ટાઈપિસ્ટ- 732

અંડરગ્રેજ્યુએટ પોસ્ટ

1. કોમર્શિયલ કમ ટિકિટ ક્લાર્ક – 2,022
2. એકાઉન્ટ્સ ક્લાર્ક કમ ટાઈપિસ્ટ – 361
3. જુનિયર ક્લાર્ક કમ ટાઈપિસ્ટ – 990
4. ટ્રેન કારકુન- 72

કેવી રીતે અરજી કરવી ?

1. સૌ પ્રથમ તમારે રેલ્વે ભરતી બોર્ડની સત્તાવાર વેબસાઇટ rrbapply.gov.in પર જવું પડશે.
2. આ પછી તમારે RRB NTPC 2024 ભરતી સૂચના લિંક પર ક્લિક કરવાનું રહેશે.
3. અરજી કરતા પહેલા ઉમેદવારોએ ભરતીની સૂચના કાળજીપૂર્વક વાંચવી આવશ્યક છે.
4. હવે તમારે રજીસ્ટર કરાવવું પડશે.
5. આ પછી તમારે લોગ ઈન કર્યા પછી અરજી ફોર્મ ભરવાનું રહેશે.
6. હવે અરજી ફોર્મ ભરો.
7. હવે જરૂરી દસ્તાવેજો અપલોડ કરો. તે પછી અરજી ફોર્મ ફી ચૂકવો.
8. હવે તમારું અરજીપત્ર તપાસો અને પછી તેને સબમિટ કરો.

વધુ વાંચો : આધાર અપડેટ કરવાનો છેલ્લો મોકો, આ તારીખ પછી ફ્રી સેવા થઈ જશે બંધ

અરજી ફી

સામાન્ય કેટેગરીના ઉમેદવારો માટે અરજી ફી રૂ 500 છે અને અનામત વર્ગના ઉમેદવારો માટે અરજી ફી રૂ 250 છે. ઉમેદવારોને સત્તાવાર વેબસાઇટ પર વિગતવાર સૂચનાની રાહ જોવાની સલાહ આપવામાં આવે છે. ભરતી સંબંધિત સંપૂર્ણ માહિતી સત્તાવાર સૂચનામાં આપવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ