ટ્રેનમાં ચઢ્યા પહેલા આ નિયમોને જરૂર એક વખત ધ્યાનમાં રાખી લેજો
ટ્રેન મુસાફરી પહેલા જાણીલો આ નિયમો
RPF, GRF જવાન ન ચેક કરી શકે તમારી ટિકિટ
ટ્રેન છુટવા પર પણ બે સ્ટેશન સુધી રહે છે રિઝર્વેશન
જો તમે ટ્રેનમાં મુસાફરી કરો છો તો આ ખબર તમારા માટે છે. આજે અમે તમને રેલવેના અમુક ખૂબ જ જરૂરી નિયમો વિશે જણાવવા જઈ રહ્યા છીએ. હવે ટ્રેનમાં ચઢ્યા પહેલા આ નિયમોને જરૂર એક વખત ધ્યાનમાં રાખી લેજો. તો તમને મુશ્કેલીઓનો સામનો નહીં કરવો પડે. આ નિયમોનું પાલન ન કરવા પર ન ફક્ત દંડ ભરવો પડે છે પરંતુ તમને જેલ પણ જવું પડી શકે છે.
RPF, GRF જવાન ન ચેક કરી શકે તમારી ટિકિટ
ભારતીય રેલવેના નિયમ અનુસાર, ટ્રેનની અંદર અથવા તો બહાર ટિકિટ ચેક કરવાનો અધિકાર ફક્ત TTE અને સંચાલકોને જ છે. એવામાં રેલવેમાં સુરક્ષા માટે તૈનાત RPF, GRF જવાન અથવા બીજો કોઈ સ્ટાફ તમારી ટિકિટ ન ચેક કરી શકે. જો તે આમ કરે છે તો તમે તેને ટિકિટ બતાવવાનો ઈનકાર પણ કરી શકો છો.
ટ્રેન છુટવા પર પણ બે સ્ટેશન સુધી રહે છે રિઝર્વેશન
જો તમારી ટ્રેન કોઈ કારણોસર છુટી ગઈ છે તો TTE આવનાર 2 સ્ટેશનો સુધી તમારી સીટ કોઈને ન આપી શકે. એટલે કે આવતા બે સ્ટેશનો પર તમે ટ્રેન પહેલા પહોંચીને તમારી સફર પુરી કરી શકો છો. પરંતુ ધ્યાન રહે કે બે સ્ટેશન બાદ TTE RAC ટિકિટ વાળા યાત્રીને સીટ અલોટ કરી શકે છે. પરંતુ તમારી પાસે 2 સ્ટેશનનો વિકલ્પ હોય છે.
પરિવારના સભ્યોની ટિકિટ પર કરી શકો છો યાત્રા
એ તો તમને ખબર જ હશે કે બીજા વ્યક્તિની ટિકિટ પર યાત્રા ન કરી શકાય. પરંતુ પરિવારને લઈને નિયમ છે. તમે પરિવારના કોઈ પણ વ્યક્તિની ટિકિટ પર યાત્રા કરી શકો છો. પરંતુ જે શખ્સની ટિકિટ પર યાત્ર કરી રહ્યા છો. તેની સાથે તમારો લોહીનો સંબંધ હોવો જરૂરી છે. જેમ કે માતા-પિતા, ભાઈ-બહેન, પતિ-પત્ની અથવા બાળકોના નામે ટિકિટ છે તો તમે તેમની ટિકિટ પર યાત્રા કરી શકો છો. પરંતુ તેમના શિવાય તમારે સ્ટેશન પર જઈને ટિકિટનું નામ બદલાવવાનું રહેશે.
સ્ટૂડન્ટ્સ પણ કરાવી શકે છે ટિકિટ ટ્રાન્સફર
પરિવારના સભ્યો ઉપરાંત ભારતીય રેલવે કોઈ એજ્યુકેશનલ ઈન્સ્ટીટ્યુટના વિદ્યાર્થીઓને પણ ટિકિટ ટ્રાન્સફર કરવાની સુવિધા આપે છે. એવી સ્થિતિમાં ઈન્સ્ટીટ્યુટના પ્રમુખને લેટરહેડ પર જરૂરી દસ્તાવેજની સાથે લેખિતમાં ટ્રેનના પ્રસ્થાનથી 48 કલાક પહેલા અરજી કરવાની હોય છે.
પ્લેટફોર્મ ટિકિટ છે ખૂબ જ કામની વસ્તુ
પ્લેટફોર્મ ટિકિટ (Benefits of Platform Ticket) દ્વારા યાત્રી ટ્રેનમાં ચઢી શકે છે. તેની સાથે જ યાત્રીએ તેજ સ્ટેશનથી ભાડુ ચુકવવાનું રહેશે. જ્યાંથી તેણે પ્લેટફોર્મ ટિકિટ લીધી છે. ભાડુ લેતી લખતે ડિપાર્ચર સ્ટેશન પણ તેજ સ્ટેશનને માનવામાં આવશે અને સૌથી મોટી વાત એ કે તમારે ભાડુ પણ તે જ શ્રેણીનું આપવાનું હોય છે જેમાં તમે સફર કરી રહ્યા હોવ.