ચાલતી ટ્રેનમાં ચાર મહીનાની બાળકીને દૂધ પહોંચાડનાર RPF જવાનની પ્રશંસા દરેક જગ્યાએથી કરવામાં આવી રહી છે. સોશિયલ મીડિયા પર પણ તેની બહાદૂરી તેમજ માનવતાની ચર્ચા થઇ રહી છે. કેન્દ્રીય રેલવે પ્રધાન પિયૂષ ગોયલે પણ જવાનની બહાદુરીને ધ્યાનમાં લઇને પુરસ્કાર એનાયત કરવાની જાહેરાત કરી છે.
બાળક માટે ટ્રેન પાછળ દોડી કોન્સ્ટેબલે દૂધનું પેકેટ આપ્યું
રેલવે મંત્રી પીયુષ ગોયલે સમગ્ર ઘટનાને બિરદાવી
કોન્સ્ટેબલ ઇન્દર યાદવને રોકડ ઇનામ આપવાની જાહેરાત કરી
પ્રાપ્ત મળતી વિગત અનુસાર ગોરખપુર શ્રમિક સ્પેશિયલ ટ્રેનથી યાત્રા કરી રહેલી એક મહિલાની ચાર મહીનાની બાળકી ઘણી ભુખી હતી અને તેને દૂધની જરૂરિયાત હતી.
ટ્રેન જ્યારે ભોપાલ પહોંચી ત્યારે મહિલાએ પ્લેટફોર્મ પર ડયૂટી પર તૈનાત ઇંદર સિંહ યાદવને દૂધ લાવી આપવા ભલામણ કરી. જેને લઇને ઇંદર સિંહ યાદવ દૂધ લેવા ગયા. જો કે જ્યારે ઇંદરસિંહ યાદવ દૂધ લઇને સ્ટેશનના પ્લેટફોર્મ પરત આવ્યાં ત્યારે શ્રમિક સ્પેશિયલ ટ્રેન ચાલવા લાગી હતી.
આ સ્થિતિમાં ઇંદર સિંહે દોડતાં-દોડતાં પોતાના જીવની ચિંતા કર્યા વગર ચાલતી ટ્રેનમાં દૂધ લઇને ચઢી ગયા અને ભૂખી બાળકીના માતાના હાથમાં દૂધ આપ્યું. આ બધુ સ્ટેશન પર લાગેલા સીસીટીવી કેમેરમાં પણ કેદ થયું છે.
जैसे-जैसे ट्रेन की स्पीड बढ़ रही थी, वैसे-वैसे मेरी उम्मीद कम होती जा रही थी। तभी दौड़ते हुए खिड़की में से किसी ने दूध अंदर पहुंचाया। इंदर भाई जैसे ही लोग असली हीरो हैं: सफिया हासमी, महिला रेल यात्रीhttps://t.co/ZpWWiVNGcP
— Ministry of Railways (@RailMinIndia) June 3, 2020
રેલવે મંત્રી પીયુષ ગોયલે સમગ્ર ઘટનાને બિરદાવી
બાળક માટે ટ્રેન પાછળ દોડી કોન્સ્ટેબલે દૂધનું પેકેટ આપવાની સમગ્ર ઘટનાને રેલવે પ્રધાન પીયુષ ગોયેલે બિરદાવી છે. કેન્દ્રીય રેલવે પ્રધાન પીયૂષ ગોયલે જવાન ઇંદર સિંહ યાદવને રોકડ ઇનામ આપવાની જાહેરાત કરી છે.