ખુલાસો / રેલવે પોલીસે પાકિસ્તાન અને બાંગ્લાદેશ સાથે જોડાયેલાં ઓનલાઈન ટિકિટ બુકિંગના રેકેટનો પર્દાફાશ કર્યો

• રેલવે પ્રોટેક્શન ફોર્સ (RPF)એ મંગવારે એક એવા ઇ-ટિકિટિંગ રેકેટનો ખુલાસો કર્યો
• આરપીએફ ડીજી અરુણ કુમારએ તેની પાછળ ટેરર ફન્ડિંગની આશંકા દર્શાવી
• આ મામલામાં ધરપકડ કરાયેલી વ્યક્તિના SBIની 2400 બ્રાન્ચોમાં એકાઉન્ટ મળ્યા

ટેરર ફન્ડિંગ અને મની લોન્ડ્રિંગની આશંકા

હાલના વર્ષોમાં ટિકિટોના ગેરકાયદાકીય વેપાર પર સૌથી મોટી કાર્યવાહીમાં આરપીએફએ ઝારખંડના એક વ્યક્તિની ધરપકડ કરી છે. આશંકા છે કે આ વ્યક્તિ ટેરર ફન્ડિંગમાં સામેલ છે. ધરપકડ કરવામાં આવેલા વ્યક્તિનું નામ ગુલામ મુસ્તફા છે અને તેને ભૂવનેશ્વરથી ધરપકડ કરવામાં આવી છે. મુસ્તફા મદરેસામાં અભ્યાસ કરી ચૂક્યો છે પરંતુ જાતે સોફ્ટવેયર ડેવલપિંગ શીખ્યો છે. 

Railway Protection Force (RPF) DG: We're a step ahead in operation against e-ticketing racket. We've unearthed an oragnised gang. Its kingpin is probably sitting in Dubai. We're investigating the members of the gang, the manner in which the money is going to banks&some companies. pic.twitter.com/E5SHHBrBtz

— ANI (@ANI) January 21, 2020

આરોપી પાસે IRCTCના 563 આઇડી, 3000 બેન્ક ખાતા

ગુલામ મુસ્તફાની પાસેથી IRCTCના 563 પર્સનલ આઇડી મળ્યા છે. આ ઉપરાંત આશંકા છે કે SBIની 2400 અને સ્થાનીય ગ્રામીણ બેન્કોની 600 બ્રાન્ચોમાં તેના એકાઉન્ટ છે. 

આરોપીની NIA, ED, આઇબી પણ કરી ચૂકી છે પૂછપરછ

આરપીએફના ડીજી અરુણ કુમારે જણાવ્યું કે ઇ-ટિકિટિંગ રેકેટને લઇને ધરપકડ કરવામાં આવેલા ગુલામ મુસ્તફાની ગત 10 દિવસોમાં આઇબી, સ્પેશિયલ બ્યૂરો, ઇડી, એનઆઇએ અને કર્ણાટક પોલીસે પૂછપરછ કરી ચૂકી છે. રેકેટના તાર મની લોન્ડ્રિંગ અને ટેરર ફન્ડિંગથી જોડાયેલા હોવાની આશંકા છે. 

રેકેટનો માસ્ટરમાઇન્ડ બોમ્બ બ્લાસ્ટમાં રહ્યો હતો સામેલ

રેકેટનો માસ્ટરમાઇન્ડ સોફ્ટવેયર ડેવલપર હામિદ અશરફ 2019માં ગોન્ડાની સ્કૂલમાં થયેલા બોમ્બ બ્લાસ્ટમાં સામેલ હતો. આરપીએફ ડીજીએ આશંકા દર્શાવી કે, કાળા વેપારથી હામિદ અશરફ દર મહીને 10થી 15 કરોડ રૂપિયા કમાણી કરે છે.