માઠા સમાચાર / બુલેટના ચાહકો માટે આવ્યા નિરાશ કરી દેનારા સમાચાર, કંપનીએ લીધો આ નિર્ણય

• રોયલ એન્ફીલ્ડે ફરી વધારી બાઈક્સની કિંમતો 
• જાન્યુઆરીમાં પણ વધારી હતી કિંમતો 
• આ બાઈક્સમાં ક્લાસિક 350 રેટ્રો રોડસ્ટર પણ સામેલ 

​​​​​​​રોયલ એન્ફીલ્ડે ફરી વધારી બાઈક્સની કિંમતો ​​​​​​​

રોયલ એનફિલ્ડે પોતાની અમુક પોપ્યુલર બાઈક્સ જેવી કે ક્લાસિક 350 રેટ્રો રોડસ્ટર અને 650 સીસી ટ્વીન્સ પર કિંમતોમાં વધારાની જાહેરાત કરી છે. આ મોડલ થોડા મોંઘા થઇ ગયા છે. આ પહેલા રોયલ એનફિલ્ડે જાન્યુઆરીમાં કિંમતોમાં વધારો કર્યો હતો. કંપનીએ જે બાઈક્સની કિંમત વધારી હતી, તેમાં ક્લાસિક 350, મેટેઓર 350 અને હિમાલયન મોટરસાઈકલ જેવી પોપ્યુલર બાઈક્સ સામેલ હતી. 

ગયા વર્ષે સપ્ટેમ્બરમાં લોન્ચ થયેલ ક્લાસિક 350ની કિંમત મૂળ રૂપથી 1.84 લાખથી શરુ થઇ હતી. પછી બાઈકની કિંમત વધીને 1.87 લાખ કરવામાં આવી અને હવે નવા વધારા સાથે એંટ્રી લેવલ Redditch વેરીયંટની કિંમત 1.90 લાખથી શરુ થાય છે. ટોપ ઓફ ડ લાઈન વેરીયંટની કિંમત 2.21 લાખ રૂપિયા થઇ ગઈ છે. 

આ બાઈક પણ થયું મોંઘુ 
ઇન્ટરસેપ્ટર 650 અને કોન્ટીનેન્ટલ જીટી 650 બંને બાઈક પણ મોંઘા થઇ ગયા છે. નવા વધારા માત્ર 3,000 રૂપિયાની અંદર જ છે, જોકે ટોપ વેરીયંટ હવે 5,000 રૂપિયા સુધી મોંઘા થઇ ગયા છે. નવા વધારાને કારણે રોયલ એનફિલ્ડ ઇન્ટરસેપ્ટરની કિંમત હવે 2.88 લાખથી 3.15 લાખ વચ્ચે છે અને કોન્ટીનેન્ટલ જીટી 650ની કિંમત 3.06 લાખ-3.32 લાખ રૂપિયાની વચ્ચે છે. 

કંપનીએ જણાવ્યું કારણ 
કિંમતમાં વધારા ઉપરાંત બાઈકમાં અન્ય કોઈ ફેરફાર કરવામાં આવ્યા નથી. જોકે કંપનીએ નવા ભાવ વધારા માટે કોઈ ઓફિશિયલ કારણ જણાવ્યું નથી. માનવામાં આવી રહ્યું છે કે વધતા ઈનપુટ ખર્ચ અને સેમીકંડકટરની અછતને ઓફસેટ કરવા માટે કંપનીએ ફીચર્સમાં ફેરફાર કર્યા છે. આમાં ટ્રીપર નેવિગેશન પોડ હવે આ બાઈક્સ પર માત્ર એક વૈકલ્પિક એક્સેસરી તરીકે જ ઉપલબ્ધ છે. 
 

ફોટો સોર્સ : Royal Enfield