રૉયલ એનફીલ્ડે સ્વીકાર્યું છે કે કંપની જલ્દી જ ભારતમાં 500 CC UCE (યૂનિટ કન્સ્ટ્રક્શન એન્જિન) બાઇક રેન્જ રજૂ કરવાની છે. ટ્રિબ્યૂટ બ્લેક એડિશન (Royal Enfield 500 Tribute Black) નું વેચાણ 10 ફેબ્રુઆરી 2020ના દિવસે બપોરે 2થી 5 વાગ્યા સુધી ચાલુ રાખવામાં આવશે.
રૉયલ એનફીલ્ડે કહ્યું, કંપની જલ્દી જ 500 CC UCE બાઇક રેન્જ રજૂ કરશે
રૉયલ એનફીલ્ડે ક્લાસિક 500ની ટ્રિબ્યૂટ બ્લેક એડિશન માટે બુકિંગ્સ લેવાનું શરૂ કર્યું
કંપની 31 માર્ચ 2020થી પોતાની 500 CC મોટરસાઇકલ રેન્જનું ઉત્પાદન બંધ કરી રહી છે
એપ્રિલ 2020થી લાગુ થવા જઇ રહેલા BS6 એમિશન નોર્મ્સ પહેલા કંપનીની બુલેટ 500, ક્લાસિક 500 અને થંડરબર્ડ 500 રેન્જ લોન્ચ કરી શકાશે નહીં. વાહનો વચ્ચે વધારે ગેપ ના પેદા થાય એ માટે રૉયલ એનફીલ્ડે ક્લાસિક 500ની ટ્રિબ્યૂટ બ્લેક એડિશન માટે બુકિંગ્સ લેવાનું શરૂ કરી દીધું છે જે ક્લાસિક 500નું લિમિટેડ એડિશન છે. ટ્રિબ્યૂટ બ્લેક એડિશનનું વેચાણ 10 ફેબ્રુઆરી 2020ના દિવસે બપોરે 2થી 5 વાગ્યા સુધી ચાલુ રાખવામાં આવશે.
રૉયલ એનફીલ્ડ ક્લાસિક 500 ટ્રિબ્યૂટ એડિશન કંપનીનું અંતિમ મોડલ હશે જેને 499 CCના સિંગલ સિલેન્ડર એન્જિન સાથે રજૂ કરવામાં આવશે અને તેનું ઉત્પાદન અને વેચાણ મર્યાદિત સંખ્યામાં થશે. પ્રત્યેક મોડલ પર સીરિયલ નંબર અને ડુઅલ ટોન કલર સ્કીમ આપવામાં આવી છે. બાઇકનું એન્જિન સમાન 27.2 bhp પાવર અને 41.3 Nm પીક ટૉર્ક જનરેટ કરે છે જેને 5-સ્પીડ ગિયરબોક્સથી લેસ છે.
નોંધનીય છે કે, રૉયલ એનફીલ્ડ 31 માર્ચ 2020થી પોતાની 500 CC મોટરસાઇકલ રેન્જનું ઉત્પાદન બંધ કરી રહ્યું છે. હવે દમદાર રેન્જ માટે કંપનીએ 650 રેન્જ ઉપલબ્ધ કરાવી છે. એ કંપની માટે સારી વાત છે કેમકે 650 રેન્જ થોડી નાની જરૂર હશે પરંતુ 650 CCનું એન્જિન વધારે રિફાઇન્ડ અને સારુ પર્ફોમન્સ આપે છે. રૉયલ એનફીલ્ડ ક્લાસિક 500 CC ટ્રિબ્યૂટ બ્લેક લિમિટેડ એડીશનની ઓન રોડ દિલ્હી કિંમત 2.49 લાખ રૂપિયા છે.
રૉયલ એનફીલ્ડે હિમાલયન અને ક્લાસિક 350ના BS6 મોડલ પહેલા જ બજારમાં ઉતારી દીધા છે. ક્લાસિક 350 BS6ની દેશમાં એક્સશોરૂમ કિંમત 1.65 લાખ રૂપિયા રાખવામાં આવી છે જે મોટરસાઇકલના BS4 ABS મોડલથી લગભગ 11,000 રૂપિયા વધારે છે. BS6 માપદંડ વાળી ક્લાસિક 350ને બેટર પર્ફોમન્સ માટે ઇલેક્ટ્રોનિક ફ્યૂલ ઇન્જેક્શન એન્જિન આપવામાં આવ્યું છે.