ઓટો સેક્ટર / બુલેટના ચાહકો માટે ખરાબ સમાચાર, Royal Enfield બંધ કરી રહી છે જબરજસ્ત વેંચાયેલા આ ત્રણ મોડલ

• બુલેટ પ્રેમીઓ માટે ઝટકો લાગે તેવા સમાચાર
• Royal Enfield પોતાના 500 CC રેન્જના ત્રણ મોડલ બંધ કરશે
• રોયલ એનફીલ્ડના 500 CC સેગમેન્ટનું વેચાણ ઘટ્યું છે

મીડિયા રિપોર્ટ્સ મુજબ, કંપની પહેલા જ આ ત્રણેય મોડેલનું પ્રોડેક્શન બંધ કરી ચૂકી છે. હવે રોયલ એનફીલ્ડે બુલેટ અને થંડરબર્ડ 500 મોડલોને પોતાની બુકિંગ વેબસાઇટથી હટાવી દીધા છે. જોકે સ્ટોક રહેવા સુધી કંપની ક્લાસિક 500ની બુકિંગ કરી રહી છે. તેથી જો Classic 500 લેવાનું વિચારી રહ્યા છો તો ફટાફટ બુકિંગ કરાવી લો. કેમકે કંપની ક્યારેય પણ તેનુ બુકિંગ બંધ કરી શકે છે. 

રોયલ એનફીલ્ડ તરફથી હજુ સુધી તેને લઇને કોઇ સત્તાવાર જાહેરાત કરવામાં આવી નથી. પરંતુ આશા રાખવામાં આવી રહી છે કે કંપની જલ્દી જ તેના પર પોતાની મહોર મારી શકે છે. આંકડાઓ મુજબ, ગત કેટલાક મહીનાઓમાં 500 CCની તુલનામાં 350 CC મોડલનું વેચાણ સતત વધ્યું છે. 

નોંધનીય છે કે, એક તરફ રોયલ એનફીલ્ડ આ મોડલોને બંધ કરી રહી છે, જ્યારે કેટલાક નવા મોડલ પણ લાવવાની તૈયારી પણ કરી રહી છે. હાલમાં જ કંપનીએ તેના માટે નામ પણ નોંધાવ્યું છે. જો કંપની 500 CC રેન્જમાં નવા મોડલ નથી લાવતી તો પછી કંપનીના 350 CC વાળી બાઇક અને 650 CC વાળી બાઇક વચ્ચે ખુબ મોટુ અંતર થઇ જશે. 

કંપની 500 CC વાળા મોડલોને બંધ કરવાનો સંકેત પહેલા જ આપી ચૂકી હતી. જાણકારોનું માનીએ તો ગત કેટલાક મહીનાઓમાં રોયલ એનફીલ્ડના 500 CC સેગમેન્ટનું વેચાણ ઘટ્યું છે. વેચાણ ઘટવાને કારણે કંપની તેને BS-6 નોર્મ્સમાં અપડેટ કરવાની જગ્યાએ બંધ કરવાનો નિર્ણય લઇ શકે છે. કેમકે BS-6માં અપડેટ કરવા પર કંપનીને મોટુ રોકાણ કરવું પડશે, પરંતુ વેચાણ એ હિસાબે થઇ રહ્યું નથી. 

આ ત્રણેય મોડલોએ કંપનીને ખાસ કરીને 2019માં નિરાશ કર્યા. ગત વર્ષે 2019માં રોયલ એનફીલ્ડ 500 CC વાળી બાઇકના કુલ 36,093 યુનિટ્સનું વેચાણ થયું હતું. જ્યારે ગત વર્ષે કંપનીને 350 CC ક્ષમતા વાળા કુલ 7.64 યુનિટ્સનું વેચાણ થયું હતું. 

રોયલ એનફીલ્ડ વર્તમાન 500 CC મોડલમાં એર કૂલ્ડ એન્જિનનો પ્રયોગ કરે છે, જે 26.1 bhpનો પાવર અને 40.9 NMનો ટોર્ક જનરેટ કરે છે. તેની કિંમત 1.89 લાખ રૂપિયાથી 2.15 લાખ રૂપિયાની વચ્ચે છે.