એક ડરામણો વીડિયો સામે આવ્યો છે. એક વ્યક્તિ તેની નવી રોયલ એનફિલ્ડ બુલેટ બાઇક લઈને મંદિર પહોંચ્યો. તેની બાઇક મંદિરની બહાર પાર્ક કરેલી હતી. અને અચાનક તેમાં થયો ધડાકો....
સોશિયલ મીડિયા પર વાયરલ વીડિયો
રોયલ એનફિલ્ડ બાઈકમાં થયો બ્લાસ્ટ
જબરદસ્ત વિસ્ફોટથી લોકોમાં ખળભળાટ
છેલ્લા ઘણા દિવસોથી જોવા મળી રહ્યું છે કે ઈલેક્ટ્રિક સ્કૂટર કે બાઈકમાં આગ લાગવાના ઘણા વીડિયો વાયરલ થઈ રહ્યા છે. હવે વધુ એક વીડિયો સામે આવ્યો છે. જેમાં રોયલ એનફિલ્ડની બુલેટ બાઇકમાં વિસ્ફોટ થયો હતો.
જી હાં, આટલું જ નહીં એક વ્યક્તિ તેની નવી બુલેટ સાથે મંદિર પહોંચ્યો હતો. ત્યાં તે પૂજા કરવા ગયો હતો. મંદિરની બહાર બાઇક પાર્ક કરી હતી. પછી જોત જોતામાં જ બાઇકમાં પહેલા આગ લાગી અને પછી બોમ્બ જેવો જોરદાર વિસ્ફોટ થયો.
ક્યાંની છે આ ઘટના ?
અત્યાર સુધી પ્રાપ્ત માહિતી અનુસાર આ મામલો આંધ્ર પ્રદેશના અનંતપુર જિલ્લાનો જણાવવામાં આવી રહ્યો છે. રવિચંદ્ર તેને મૈસુરથી કાસાપુરમ અંજનેય સ્વામી મંદિર ચલાવીને લઈ ગયા હતા. બાઇક બહાર રોડની બાજુમાં પાર્ક કર્યું હતું. તે જ સમયે, થોડીવાર પહેલા બાઇકમાંથી ધુમાડો નીકળ્યો અને પછી અચાનક બાઇકમાં આગ લાગી. બાઇકમાંથી ખૂબ જ જોરદાર વિસ્ફોટ થયો હતો. બ્લાસ્ટનો અવાજ સાંભળીને આસપાસ ઉભેલા લોકો ગભરાઈ ગયા હતા.
જો કે, આ અકસ્માતને લઈને એ વાત પણ સામે આવી રહી છે કે રવિ 387 કિલોમીટર સુધી બાઇકને નોન સ્ટોપ ચલાવીને અહીં પહોંચ્યો હતો. હાલમાં જ પુણેમાં ઓલાના ઇલેક્ટ્રિક સ્કૂટર સળગવાનો મામલો સામે આવ્યો હતો. આ પછી તમિલનાડુના વેલ્લોરમાં ઘરે ચાર્જ થઈ રહેલા ઓકિનાવાના ઇલેક્ટ્રિક સ્કૂટરમાં આગ લાગી હતી. આ ઘટનામાં એક વ્યક્તિ અને તેની પુત્રીનું શ્વાસ રૂંધાવાથી મોત થયું હતું.