ક્રિકેટ / KKR મેચ હારતા અજબ ગજબ મીમ્સનો મારો, તમે હસવાનું રોકી નહીં શકો!

RCB vs KKR Viral Memes : શનિવારે રોયલ ચેલેન્જર્સ બેંગ્લોરે (RCB) કોલકાતા નાઈટ રાઇડર્સ (KKR) ને સરળતાથી હરાવ્યું. કોલકાતા નાઈટ રાઈડર્સે પ્રથમ બેટિંગ કરતા 20 ઓવરમાં 8 વિકેટે 174 રન બનાવ્યા. જવાબમાં રોયલ ચેલેન્જર્સ બેંગ્લોરે 16.2 ઓવરમાં 3 વિકેટે લક્ષ્ય હાંસલ કરી લીધું. ઇડન ગાર્ડન્સ ખાતે કોલકાતા નાઈટ રાઇડર્સ સામે રોયલ ચેલેન્જર્સ બેંગ્લોરની જીત પછી સોશિયલ મીડિયા પર મીમ્સનુ તો જાણે કે પૂર આવ્યું.

સોશિયલ મીડિયા પર ફની મીમ્સ સતત વાયરલ થઈ રહ્યા છે. રોયલ ચેલેન્જર્સ બેંગ્લોરની જીત બાદ સોશિયલ મીડિયા યુઝર્સ સતત રમુજી મીમ્સ શેર કરી રહ્યા છે. સોશિયલ મીડિયા પર રમુજી મીમ્સનો ભરાવો છે. આ રમુજી મીમ્સ જોયા પછી તમે હસવાનું રોકી શકશો નહીં.

નોંધનિય છે કે, પહેલા બેટિંગ કરવા આવેલા કોલકાતા નાઈટ રાઈડર્સે 20 ઓવરમાં 8 વિકેટે 174 રન બનાવ્યા હતા. કોલકાતા નાઈટ રાઈડર્સ માટે કેપ્ટન અજિંક્ય રહાણેએ 31 બોલમાં સૌથી વધુ 56 રન બનાવ્યા. સુનીલ નારાયણે 26 બોલમાં 44 રન બનાવ્યા. આ ઉપરાંત અંગ્રીશ રઘુવંશીએ 22 બોલમાં 30 રનની ઇનિંગ રમી પરંતુ કોલકાતા નાઈટ રાઇડર્સના અન્ય બેટ્સમેનોએ નિરાશ કર્યા. રિંકુ સિંહ, આન્દ્રે રસેલ, ક્વિન્ટન ડી કોક અને વેંકટેશ ઐયર જેવા બેટ્સમેનોએ નિરાશ કર્યા. તેથી, સારી શરૂઆત છતાં, કોલકાતા નાઈટ રાઈડર્સ ટીમ ફક્ત 174 રન સુધી પહોંચી શકી.

વધુ વાંચો : આજે CSK અને MI વચ્ચે જંગ, કેવો રહેશે પીચ અને મોસમનો મિજાજ, જાણો સંભવિત પ્લેઈંગ ઈલેવન

રોયલ ચેલેન્જર્સ બેંગ્લોરે આ મેચ સરળતાથી જીતી લીધી

કોલકાતા નાઈટ રાઈડર્સના 174 રનના જવાબમાં રોયલ ચેલેન્જર્સ બેંગ્લોરે સારી શરૂઆત કરી હતી. રોયલ ચેલેન્જર્સ બેંગ્લોરના ઓપનર ફિલ સોલ્ટ અને વિરાટ કોહલીએ પ્રથમ વિકેટ માટે 95 રન જોડ્યા. વિરાટ કોહલીએ 59 રન બનાવ્યા. જ્યારે ફિલ સોલ્ટે 56 રનનું યોગદાન આપ્યું. આ ઉપરાંત રોયલ ચેલેન્જર્સ બેંગ્લોરના કેપ્ટન રજત પાટીદારે 16 બોલમાં 34 રન બનાવ્યા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ