આજે બેંગલુરુમાં આરસીબીની ટીમ રાજસ્થાન રોયલ્સ સામે ટકરાવાની છે. બીજી તરફ રાજસ્થાન આ મેચમાં મોટી જીત હાંસલ કરીને પ્લેઓફમાં પહોંચવાની પોતાની આશા જીવંત રાખવાની કોશિશ કરશે. આઇપીએલ-૨૦૧૯ના પ્લેઓફની દોડમાંથી બહાર ફેંકાઈ ગયેલી રોયલ ચેલેન્જર્સ બેંગલુરુ (આરસીબી)ની ટીમ બાકીની બે મેચમાં હવે બીજી ટીમોનું ગણિત બગાડી નાખવાની કોશિશ કરશે.
આઇપીએલ-૨૦૧૯ના પ્લેઓફની દોડમાંથી બહાર ફેંકાઈ ગયેલી રોયલ ચેલેન્જર્સ બેંગલુરુ (આરસીબી)ની ટીમ બાકીની બે મેચમાં હવે બીજી ટીમોનું ગણિત બગાડી નાખવાની કોશિશ કરશે. આમાં તેના પ્રથમ નિશાન પર રાજસ્થાન રોયલ્સની ટીમ રહેશે. આજે બેંગલુરુમાં આરસીબીની ટીમ રાજસ્થાન રોયલ્સ સામે ટકરાવાની છે. બીજી તરફ રાજસ્થાન આ મેચમાં મોટી જીત હાંસલ કરીને પ્લેઓફમાં પહોંચવાની પોતાની આશા જીવંત રાખવાની કોશિશ કરશે.
રાજસ્થાનના હાલ ૧૨ મેચમાં ૧૦ પોઇન્ટ છે અને બાકીની બંને મેચ જીતી લે તો રાજસ્થાન 'જો' અને 'તો'ના સમીકરણથી પ્લેઓફમાં સ્થાન મેળવી શકેછે, પરંતુ એક પણ પરાજય રાજસ્થાનની સફર આઇપીએલમાં અટકાવી દેશે. રાજસ્થાનને પોતાની જીત ઉપરાંત ચેન્નઈ સુપર કિંગ્સ, મુંબઈ ઇન્ડિયન્સ અને દિલ્હી કેપિટલ્સની જીતની પણ આશા રાખવી પડશે. એ સ્થિતિમાં રાજસ્થાનને જોફ્રા આર્ચર અને બેન સ્ટોક્સની ગેરહાજરી સાલશે. જોસ બટલર સ્વદેશ પાછો ફરતા તેની બેટિંગ તો નબળી પડી જ ગઈ છે. અજિંક્ય રહાણેના સ્થાને સ્ટીવ સ્મિથ કેપ્ટન બન્યા બાદ મુંબઈ અને કોલકાતા સામેની જીત બાદ રાજસ્થાનની આશા થોડી જાગી છે.
કેકેઆર સામે ગત મેચમાં રિયાન પરાગના શાનદાર પ્રદર્શનથી ટીમને જીત મળી હતી. રાજસ્થાન પાસે શ્રેયસ ગોપાલના રૂપમાં સારો લેગ સ્પિનર છે, જેણે ગત મેચમાં વિરાટ કોહલી, ડિવિલિયર્સ અને હેટમાયરને પોતાની ગૂગલની જાળમાં ફસાવ્યા હતા. યજમાન આરસીબી પ્રતિષ્ઠા ખાતર આજની મેચમાં રમશે. ગત રવિવારે દિલ્હી કેપિટલ્સ સામે હારી જતા વિરાટની ટીમ પ્લેઓફની રેસમાંથી બહાર ફેંકાઈ ગઈ હતી.
આ બંને ટીમ વચ્ચે છેલ્લી પાંચ મેચની વાત કરવામાં આવે તો બેંગલુરુની ટીમ ફક્ત એક જ મેચ જીતી શકી છે. તેણે રાજસ્થાન સામે અંતિમ જીત ૧૫ મે, ૨૦૧૫ના રોજ હાંસલ કરીહતી. ત્યાર બાદથી બંને ટીમ વચ્ચે ત્રણ મેચ રમાઈ, પરંતુ એ બધી મેચ રાજસ્થાન રોયલ્સે જીતી લીધી છે.
સ્ટીવ સ્મિથની કેપ્ટનશિપવાળી રાજસ્થાન રોયલ્સે છેલ્લી મેચ પોતાના ઘરેલુ મેદાન પર રમી હતી. ત્યારે તેણે સનરાઇઝર્સ હૈદરાબાદને સાત વિકેટે પરાજય આપ્યો હતો. આજની મેચ બેંગલુરુના મેદાન પર રમાવાની છે. નિશ્ચિત રીતે બેંગલુરુને ઘરેલુ સ્થિતિઓનો ફાયદો મળશે. બેંગલુરુ પાસે ગુમાવવા માટે કંઈ નથી. એ સ્થિતિમાં તેઓના ખેલાડી કોઈ પણ જાતના દબાણ વિના મેદાનમાં ઊતરશે, જ્યારે રાજસ્થાન પર મેચ જીતવાનું દબાણ હશે.