Saturday, August 24, 2019
સબસ્ક્રાઈબ કરો VTVGujarati ન્યુઝ Whatsapp

સ્વાસ્થ્ય / બાળકને કૃમિ ન થાય તેનું ધ્યાન રાખો

બાળકને કૃમિ ન થાય તેનું ધ્યાન રાખો

ભારતમાં 2015ના વર્ષથી નેશનલ ડીવર્મિંગ ડે ઉજવાય છે. બાળકોને કૃમિ ન થાય તે અંગેની જાગૃતિ ફેલાવાય છે. કૃમિની આ બહુ સામાન્ય જણાતી સમસ્યા બાળકોના વિકાસમાં અડચણ ઉભી કરી શકે છે. જો આ રોગ બહુ ઉંડો ફેલાઇ જાય તો પરિસ્થિતિ હેન્ડલ કરવી અઘરી બની જાય છે.

સામાન્ય રીતે કૃમિ એટલે કે કરમિયાની દવા દર છ મહિને આપવી ખુબ જરુરી છે. આ કારણે ઓગસ્ટ મહિનામાં બીજી વખત એક આખુ વીક ડીવર્મિંગ વીક તરીકે ઉજવાય છે. ભારતના આરોગ્ય ખાતા દ્વારા આ કાર્યક્રમ સરકારી અને મિશનરી સ્કુલોમાં યોજાતો હોય છે.

વર્લ્ડ હેલ્થ ઓર્ગેનાઇઝેશનના અંદાજ મુજબ ભારતમાં કૃમિની સમસ્યાથી પીડાતા બાળકોની સંખ્યા સૌથી વધુ છે. જોકે છેલ્લા ઘણા વર્ષોમાં તેની સંખ્યામા ઘણો કાબુ આવ્યો છે. કૃમિ હવે ખુબ જ સરળતાથી ટ્રીટ થઇ શકે તેવો રોગ છે, પરંતુ થોડા સમય પહેલા એ બહુ મોટી સમસ્યા હતી. હવેના પેરેન્ટ્સ એ બાબતે જાગૃત હોઇ ડોક્ટરો માટે કૃમિની દવ કરવાનું પણ સરળ બન્યુ છે.

ક્યાંથી આવે છે વર્મ
વર્મ એટલેકે કરમિયા આમ તો કોઇ પણ સીઝનમાં થઇ શકે છે, પરંતુ ચોમાસામા પાણીજન્ય રોગોની સંભાવના વધુ જોવા મળે છે. આ સીઝનમાં કૃમિ પણ ડેવલોપ થાય છે. ડાયેરિયા, કમળો, ફ્લુ, ટાઇફોઇડ અને શરદી-ખાંસી જેવા રોગ સાથે સૌથી કોમન સમસ્યા કૃમિની હોય છે. 

આઠ નવ મહિનાના બાળકથી લઇને દસ બાર વર્ષના બાળકોમાં એ કોમન છે, પરંતુ પુખ્તોમાં પણ જોવા મળી શકે છે. જે લોકો કાચુ ફુડ કે સ્ટ્રીટ ફુડ વધુ ખાતા હોય તેને આ સમસ્યા થાય છે. બહારના સલાડ, પાણીપુરી કે બહારની કોઇ પણ આઇટમ કૃમિના ઇંડાનુ વહવ કરતી હોય તેવું બની શકે છે. શાકભાજી કે ફળ બહારથી લાવીને ધોયા વગર ખાવાથી તેની પર રહેલા બેક્ટેરિયા પેટમાં જઇને કૃમિ બની શકે છે. ગમે ત્યાં ફરીને આવ્યા બાદ ખાવા બેસી જવાની આદત ધરાવતા બાળકોને જલ્દી કૃમિ થઇ
શકે છે.

કૃમિથી બચવા શું કરશો
કૃમિની દવા હવે ઇઝી થઇ છે, પરંતુ તે પેટમાં જાય જ નહી તેનું ધ્યાન રાખવા સ્વચ્છતા જાળવવી બેસ્ટ છે. જમતા પહેલા , ટોઇલેટમાંથી બહાર આવીને, રમ્યા બાદ બાળકો ઘરે આવે ત્યારે એમ દરેક વખતે હાથ ધોવાની આદત કેળવવી જરુરી છે. રસોઇમાં પણ કાચા ફુડના ઉપયોગથી લઇને શાકભાજી ધોવા સુધી સજાગતા રાખવી જરુરી છે.

જોવા જેવું વધુ જુઓ

બ્રેકિંગ ન્યૂઝ