વરણી / દેશની સૌથી ધનિક મહિલા હવે HCL કંપનીની સંભાળાશે કમાન, શિવ નાદારનું ચેરમેનપદેથી રાજીનામું

રોશનીને કંપનીના નોન એક્ઝિક્યુટિવ ડાયરેક્ટરની પોસ્ટ આપવામાં આવી છે. શિવ નાદાર પોતે HCLના મેનેજીંગ ડિરેક્ટર તરીકેનું પદ જાળવી રાખશે. રોશની દિલ્હીમાં જન્મ્યા અને ઉછેર્યા છે જેમણે અમેરિકામાં નોર્થ વેસ્ટર્ન યુનિવર્સીટી ઓફ ઈલિનોઈસમાંથી અભ્યાસ કર્યો છે. તેમની પાસે કેલોગ સ્કૂલ ઓફ મેનેજમેન્ટ, નોર્થ વેસ્ટર્ન યુનિવર્સીટીની બિઝનેસ મેનેજમેન્ટની ડિગ્રી છે. 

તેઓ HCL કોર્પોરેશનના CEO અને એક્ઝિક્યુટિવ ડિરેક્ટર છે. રોશની ઓર્ગેનાઇઝેશનને સ્ટ્રેટેજિક ગાઈડન્સ આપવાની ફરજ બજાવે છે. તેઓ પોતે વન્યજીવો અને તેમના સંરક્ષણ માટે અભિયાન ચલાવે છે. 2018માં તેમણે એક ટ્રસ્ટ બનાવ્યું છે જે દેશમાં આવેલા નિકંદનના ખતરામાં રહેલા વન્યજીવો, વનવિસ્તારોના સંવર્ધન માટે કામ કરે છે. 

તેઓ વર્લ્ડ ઇકોનોમિક ફોરમના Forum of Young Global Leaders ઇનિશિએટિવના એલ્યુમની છે. તેઓએ 2017થી 2019 સુધી ફોર્બ્સના વિશ્વની સૌથી પાવરફુલ 100 મહિલાઓની યાદીમાં પોતાનું સ્થાન સુરક્ષિત કર્યું છે. ટેપ 2019 પ્રમાણે ભારતના સૌથી ધનિક મહિલા છે જેમની કુલ સંપત્તિ 31,400 કરોડ જેટલી છે.