ખર્ચો ઓછો અને કમાણી વધારે કરવાના મૂડમાં આજકાલ લોકોની વચ્ચે ફુલોની ખેતીનું ચલણ ખૂબ વધ્યું છે. ત્યારે આવા સમયે મોટી સંખ્યામાં ખેડૂતો ગુલાબની ખેતી તરફ વળ્યા છે.
ખેડૂતો માટે કામની વાત
ઓછા ખર્ચામાં વધારે કમાણી થશે
ગુલાબની ખેતી કરો, ફાયદામાં રહેશો
ખર્ચો ઓછો અને કમાણી વધારે કરવાના મૂડમાં આજકાલ લોકોની વચ્ચે ફુલોની ખેતીનું ચલણ ખૂબ વધ્યું છે. ત્યારે આવા સમયે મોટી સંખ્યામાં ખેડૂતો ગુલાબની ખેતી તરફ વળ્યા છે. આપને જણાવી દઈએ કે, ફુલ અને તેલની બજારમાં ભારે માગ રહે છે. ત્યારે આવા સમયે ખેડૂતો આ ફુલની ખેતી કરીને કેટલાય ગણો વધારે નફો કમાઈ શકે છે.
આ જગ્યાએ વાવી શકશો ફુલ
મહારાષ્ટ્ર, તમિલનાડૂ, કર્ણાટક અને પશ્ચિમ બંગાળ ભારતમાં સૌથી વધારે ગુલાબની ખેતી કરનારા રાજ્યો છે. આ તમામની વચ્ચે ઉત્તર ભારતમાં કેટલાય વિસ્તારોમાં પણ હવે ખેડૂતો આ ખેતીને પ્રાથમિકતા આપી રહ્યા છે. તેની ખેતીમાં સૌથી ખાસ વાત એ છે કે, તેને કુંડામાં, છત પર, ઈનડોર, ખુલ્લા મેદાનમાં, ગ્રીન હાઉસ અને પોલી હાઉસમાં પણ લગાવી શકાય છે.
જમીન અને તાપમાન
આ ફુલના વિકાસ માટે 15થી 18 ડિગ્રી તાપમાન સૌથી સારુ માનવામાં આવે છે. જો કે, કશ્મીર જેવી જગ્યામાં ગુલાબના ફુલ 15 ડિગ્રી સેલ્સિયસથી ઓછા તાપમાનમાં પણ આ ફુલ સારી રીતે વિકાસ પામે છે. આ ઉપરાંત આ છોડની ખેતી માટે રેતાળ જમીન વધારે સારી માનવામાં આવે છે.
સિંચાઈ અને ખર્ચો ઓછો
આ ફુલની ખેતી માટે મોટા ભાગના ખેડૂતો આમ તો, કલમ પદ્ધતિ જ અપનાવે છે. પણ હવે બિયારણના માધ્યમથી જ ખેતી થવા લાગી છે. આપને જણાવી દઈએ કે, જ્યારે ગુલાબના છોડમાંથી ફુલ નિકળવાનું શરૂ થઈ જાય છે, તો આપ સતત 12 મહિના સુધી તેમાંથી નફો કમાઈ શકો છે. વારંવાર આ છોડ માટે વાવવા અને કાપવાની માથાકૂટ થશે નહીં. આ ઉપરાંત અન્ય પાકની સરખામણીએ આ છોડમાં સિંચાઈ પણ વધારે કરવી પડશે નહીં. તેથી ખેડૂતોને તેની ખેતીમાં ખર્ચો પણ ઓછો આવશે.
એક એકરમાં 15 લાખ સુધીની થશે કમાણી
આપને જણાવી દઈએ કે, તેની ખેતી લગભગ ચાર મહિનામાં ફુલ આપવાનું શરૂ કરી દે છે. એક એકર જમીનની વાત કરીએ તો, લગભગ 30થી 40 કિલો અથવા તેનાથી પણ વધારે ફુલ નિકળી આવે છે. હાલના સમયમાં બજારમાં તેનો ભાવ 50થી 70 રૂપિયે કિલો છે. ત્યારે આવા સમયે એક એકરમાં 200થી 300 ક્વિંટલ ફુલ નિકળી આવે છે. ખેડૂતોને આ ફુલને બજારમાં વેચવા માટે વધારે મહેનત પણ કરવી પડશે નહીં. ગુલાબના ફુલમાંથી કેટલાય પ્રકારની પ્રોડક્ટ તૈયાર થાય છે. તેથી બારેય મહિના તેમાંથી કમાણી થતી રહેશે. ત્યારે આવા સમયે ખેડૂતો એક એકર જમીનમાંથી આરામથી 15 લાખ સુધીનો નફો કમાઈ શકે છે.