રમઝાનમાં બધા જ મુસ્લિમ રોઝા રાખીને અલ્લાહની ઇબાદત કરે છે. દુનિયામાં એક દેશ એવો પણ છે જ્યાં રોઝા તોડવા મિઠાઇ પણ નથી મળતી ડુંગળી ખાઇને રોઝા ખોલવા પડે છે.
રોઝામાં અલ્લાહના બંદાની કફોડી હાલત
લેબનાનમાં લોકો ડુંગળી ખાઇને રોઝા ખોલવા મજબૂર
મિઠાઇ કે ભોજનના ભાવ ખુબ વધારે
વિશ્વભરમાં રમઝાન મહિનાની શરૂઆત થઇ ગઇ છે. તેવામાં લેબનાનથી એક એવા સમાચાર સામે આવ્યા છે કે જેને વાંચીને તમે પણ ભાવૂક થઇ જશો. લેબનાનમાં શરણ માટે સિરીયાના લોકોને રોઝા ખોલવા માટે ભોજન કે મિઠાઇ પણ નસીબ નથી થઇ રહી. તે લોકો ડુંગળી ખાઇને રોઝા ખોલી રહ્યાં છે.
શરણાર્થી છે આ લોકો
અહીં પરિસ્થિતિ એટલી વણસી રહી છે કે રોઝા ખોલવા માટે સારુ ભોજન કે મિઠાઇ પણ નસીબ નથી થઇ રહી. આ બધા લોકો સિરીયાના શરણાર્થી છે. જે સિરીયામાં ચાલી રહેલા ગ્રહ યુદ્ધના કારણે અહીં માઇગ્રેટ થયા છે. એક બાજુ જ્યાં લોકો સારી સારી મિઠાઇઓ અને ભોજન સાથે રોઝા ખોલે છે તો બીજી તરફ લેબનાનમાં શરણાર્થીઓને કાંદા ખાઇને રોઝા ખોલવા પડી રહ્યાં છે.
એક મહિલાએ કહ્યું કે, અત્યાર સુધીનો અમારો આ સૌથી કઠીન રમઝાન છે. અમને વ્યવસ્થિત ખાવા પણ મળતુ નથી. રમઝાનના મહિનામાં વધારે પોષણવાળુ ભોજન ખાવાની જરૂર હોય છે જેનાથી અમારુ સ્વાસ્થ્ય સરખુ રહે. અમને આવું કંઇ જ મળી રહ્યુ નથી. આ બધુ જોતા અમે હાર માની લીધી છે.
તે મહિલાના પતિએ કહ્યું કે અહીં ભોજનના ભાવ ખુબ વધારે છે જેના કારણે અમે ખરીદી શકતા નથી. આખો દિવસ ભૂખ્યા રહેવુ પડે છે અમારે રોઝા ખોલવા માટે કંઇક ખાવાની જરૂર હોય છે એટલે અમે ડુંગળી ખાઇને રોઝા ખોલી લઇએ છીએ.
તમારી જાણકારી માટે જણાવી દઇએ કે લેબનાન એક આર્થિક સંકટમાં ફસાયેલુ છે. આ દેશમાં 10 લાખથી વધારે શરણાર્થી સિરીયાથી આવ્યા છે. ઉપરથી કોરોનાના કારણે અર્થવ્યવસ્થા સંપૂર્ણ રીતે વણસી ગઇ છે.