ઓક્સફર્ડ ઇકોનોમિક્સ એન્ડ ધ નેશનલ સેન્ટર ફોર સોશિયલ રિસર્ચમાં જણાવાયું છે કે યુવાનો તેમની લક્ઝરી લાઇફથી વધુ પ્રેમસંબંધોને મહત્ત્વ આપે છે. જર્નલ નેચર કોમ્યુનિકેશનમાં પબ્લિશ એક અન્ય રિપોર્ટ કહે છે કે લક્ઝરી લાઇફ પ્રત્યે મહિલાઓ કરતાં પુરુષો વધુ આકર્ષાય છે. જર્નલ નેચર કોમ્યુનિકેશનમાં પ્રકાશિત સંશોધન મુજબ તેમનો આ ઝુકાવ હોર્મોનના કારણે થાય છે.
પુરુષોમાં લક્ઝરી લાઈફનું આકર્ષણ વધારે
પૂરતી ઊંધ લેનારા લોકોમાં જીવનનો સંતોષ વધારે
ટેસ્ટોસ્ટેરોન હોર્મોનનું વધારે પ્રમાણ લક્ઝરી લાઈફ આપે
ઓક્સફર્ડના સંશોધકોએ બ્રિટનના ૮,૨૫૦ લોકો પર સંશોધન કર્યું. સંશોધકોનો દાવો છે કે જે લોકો પૂરતી ઊંઘ લે છે તેઓ તેમનામાં પોતાના જીવનને લઇ સંતોષનું સ્તર વધુ હોય છે. જે લોકો પોતાના ઉપર વધુ ખર્ચ કરે છે અને ઊંઘ પૂરી કરી શકતા નથી તેની સરખામણીએ આ લોકો વધુ ખુશ હોય છે. સંશોધકોએ કહ્યું કે વ્યક્તિ તેમની ઊંઘને કેટલું મહત્ત્વ આપે છે તેના પરથી અંદાજ લગાવી શકાય કે તે પોતાના આરોગ્ય પ્રત્યે કેટલા ગંભીર છે.
સંશોધનમાં ૬૩ ટકા લોકોએ કહ્યું કે તેઓ પોતાના જીવનથી સંતુષ્ટ છે. અભ્યાસમાં એવા લોકોનું જીવન પ્રત્યે વલણ વધુ સકારાત્મક હતું જે પોતાની મેરિડ લાઇફથી સંતુષ્ટ હતા. આમાં એ લોકો સામેલ હતા જે એક્ટિવ રોમેન્ટિક લાઇફ જીવતા હતા. રિપોર્ટમાં એ વાત પણ સામે આવી છે કે લોકો કારથી વધુ પોતાના સંબંધી, મિત્રો અને જોબ સિક્યોરિટીને વધુ મહત્ત્વ આપે છે. રિપોર્ટ અનુસાર ટેસ્ટોસ્ટેરોન હોર્મોનની અધિકતાના કારણે લક્ઝરી લાઇફ જીવવાની ઇચ્છા થાય છે. ખાસ વાત એ છે કે આ અસર પુરુષો પર વધુ થાય છે. આ હોર્મોન અમીર જેવા દેખાવા, જિમ કરવા અને આકર્ષક દેખાવાની ઇચ્છા પણ ઉત્પન્ન કરે છે.