ચેતવણી / ડિબેટમાં આવેલા મહેમાનો હદ ન વટાવે તે જોવાની ફરજ ન્યૂઝ એન્કરની- હેટ સ્પીચ મામલે સુપ્રીમનો ચુકાદો

• હેટ સ્પીચ મામલે સુપ્રીમની મહત્વની ટીપ્પણી
• ડિબેટમાં લોકો હેટ સ્પીચ ન ફેલાવે તે  ન્યૂઝ એન્કરે જોવું પડશે 
• કોઈ પણ ધર્મ હિંસાનો પ્રચાર નથી કરતો, મૂળ સમસ્યા તો સંસ્થા છે

દેશની મુખ્ય ન્યૂઝ ચેનલોના કામકાજ પર ઘોર નિરાશા વ્યક્ત કરતાં સુપ્રીમ કોર્ટે એવું જણાવ્યું કે ન્યૂઝ ચેનલો ઘણી વાર હેટ સ્પીચને તેમના સમાચારમા સ્થાન આપે છે અને વિવાદના કિસ્સામાં જવાબદારીમાંથી હાથ ખંખેરી નાખે છે. 

Hate speech: SC says role of TV anchors critical, asks why govt a mute spectator

Read @ANI Story | https://t.co/vBHwdyVwys
#HateSpeech #SupremeCourt #media pic.twitter.com/3Tp4OFEHKF

— ANI Digital (@ani_digital) September 21, 2022

ડિબેટમાં હેટ સ્પીચ ન ફેલાય તે જોવાની જવાબદારી ન્યૂઝ એન્કરની 
જસ્ટિસ કેએમ જોસેફ અને હૃષિકેશ રોયની ખંડપીઠે કહ્યું કે ટેલિવિઝન ચેનલોના એન્કરની મહત્વપૂર્ણ ફરજ છે કે તેઓ એ સુનિશ્ચિત કરે કે તેમના શોમાં આમંત્રિત મહેમાનો મર્યાદા ઓળંગી ન જાય. ખંડપીઠે કહ્યું કે એન્કરની ભૂમિકા ખૂબ જ મહત્વપૂર્ણ છે. મુખ્ય પ્રવાહના મીડિયા અથવા સોશિયલ મીડિયા પરના આ ભાષણો જે અનિયંત્રિત છે. મુખ્યધારાની ટીવી ચેનલો હજુ પણ પોતાનું વર્ચસ્વ ધરાવે છે. એન્કરની ભૂમિકા મહત્ત્વની છે અને નફરતભર્યું ભાષણ ન થાય તે જોવાની ન્યૂઝ એન્કરની ફરજ છે. જસ્ટિસે કહ્યું કે વાણી સ્વાતંત્ર્ય મહત્વપૂર્ણ છે, પરંતુ ટેલિવિઝન પર નફરતભર્યા ભાષણની મંજૂરી ન આપી શકાય. 

સરકાર શાટે મૂક પ્રેક્ષક બની રહી છે- સુપ્રીમ 
સુપ્રીમ કોર્ટે મૌખિક રીતે એ જાણવાની પણ માંગ કરી કે સરકાર શા માટે મૂક પ્રેક્ષક બની રહી છે. જસ્ટિસ જોસેફે આ અંગે સરકારના જવાબની માગ કરી હતી. 

હેટ સ્પીચનો સૌથી વધુ ફાયદો રાજકારણીઓને
જસ્ટિસે કહ્યું કે રાજકારણીઓને હેટ સ્પીચનો સૌથી વધુ ફાયદો થાય છે અને ટેલિવિઝન ચેનલો તેમને આ માટેનું પ્લેટફોર્મ આપે છે. ચેનલો અને રાજકારણીઓ આવા ભાષણને પોષે છે. ચેનલોને પૈસા મળે છે. તેઓ દસ લોકોને ચર્ચામાં રાખે છે, "તેમણે કહ્યું. તેમણે એવી દલીલ પણ કરી હતી કે ન્યૂઝ ચેનલોનું સેલ્ફ-રેગ્યુલેશન દાંત અને નહોર વગરના વાઘ જેવું છે. 

કોઈ પણ ધર્મ હિંસાનો પ્રચાર કરતો નથી, ખરી સમસ્યા સંસ્થાઓ
સુપ્રીમની ખંડપીઠે એવું પણ કહ્યું કે કોઈ પણ ધર્મ હિંસાનો પ્રચાર કરતો નથી પરંતુ ખરી સમસ્યા તો સંસ્થાઓ છે. તેમણે કહ્યું કે જો કોઈ હેટ સ્પીચનું ઉલ્લંઘન કરે તો તેને માટે સજા એવી હોવી જોઈએ કે જે એક દાખલો બની જાય.