પ્રસિદ્ધી / આ શખ્સની લોકપ્રિયતા હજુ પણ એટલી કે 25 હજાર લોકોએ જેલમાં જુઓ શું મોકલ્યું

• ડેરા સચ્ચા સૌદાના પ્રમુખ રામ રહીમને રાખડીઓ મોકલાઈ
• રોહતક જિલ્લાની સુનારિયા જેલમાં કાપી રહ્યો છે સજા
• છેલ્લાં 19 દિવસમાં 25 હજારથી વધુ રાખડીઓ મોકલાઈ

ગુરમીત રામ રહીમને 25 હજારથી વધુ રાખડીઓ મોકલાઈ

રામ રહીમ દુષ્કર્મ અને હત્યાના કેસમાં આજીવન કેદની સજા કાપી રહ્યો છે. બીજી તરફ હત્યા મામલે હિસારની સેન્ટ્રલ જેલમાં આજીવન કેદની સજા ભોગવી રહેલા કરૌંથા આશ્રમ પ્રમુખ રામપાલ માટે 25 રાખડીઓ પહોંચાડવામાં આવી છે.

સ્પેશિયલ ડિલીવરીની સેવા શરૂ કરાઈ

રાખડી પહોંચાડવા માટે રવિવારે સ્પેશિયલ ડિલીવરીની સેવા શરૂ કરવામાં આવી છે. હરિયાણામાં પોસ્ટ વિભાગના 850 ટપાલી અને 2190 ગ્રામ્ય સ્તરના ટપાલી રાખડીઓ પહોંચાડવાનું કામ કરી રહ્યાં છે. પોસ્ટમેન રાખડી પહોંચાડવા માટે લગભગ દોઢ કલાક એટલેકે સાંજે સાડા છ વાગ્યા સુધી ફરજ બજાવી રહ્યાં છે.

અત્યાર સુધી 2.95 લાખ રાખડીઓ પહોંચાડાઈ

એક અખબારના અહેવાલ અનુસાર, હરિયાણાના ચીફ પોસ્ટ માસ્ટર જનરલ રંજૂ પ્રસાદે જણાવ્યું કે 1 થી 19 ઓગષ્ટ સુધી પોસ્ટ વિભાગ 2.95 લાખ રાખડીઓ પહોંચાડી ચૂક્યો છે, જ્યારે ગયા વર્ષે 2.78 લાખ રાખડીઓ પહોંચાડવામાં આવી હતી. આ વખતે પોસ્ટ વિભાગ તરફથી ગયા વર્ષની અપેક્ષા મુજબ 25 ટકા ટ્રાફિક વધ્યો છે. વિદેશોમાં ગુરૂવાર સુધી 4125 રાખડીઓ પોસ્ટ વિભાગ તરફથી પહોંચાડવામાં આવી છે.

અત્યાર સુધી 40 હજાર કવર સેલ થયા

પોસ્ટ વિભાગ તરફથી 10 ટ્રેનો દ્વારા રાખડી મોકલવામાં આવે છે. પરંતુ કોરોનાકાળમાં 4 ટ્રેનો જ ચાલી રહી છે. પોસ્ટ વિભાગે રાખડી મોકલવા માટે એક ખાસ કવર રિલીઝ કર્યુ હતુ. અત્યાર સુધી 40 હજાર કવર સેલ થઈ ગયા છે.