'ગોલમાલ', 'સિમ્બા', 'ચેન્નાઇ એક્સપ્રેસ' જેવી બ્લોકબસ્ટર ફિલ્મોના ડિરેક્ટર રોહિત શેટ્ટીનો આજે બર્થ ડે છે. રોહિત શેટ્ટીએ 2003માં પહેલી ફિલ્મ જમીન ડિરેક્ટ કરી હતી. જોકે આ ફિલ્મ બોક્સ ઑફિસ કોઇ ખાસ કમાલ કરી નહોતી શકી.
રોહિત શેટ્ટીએ પોતાના કરિયરની શરૂઆતના વર્ષોમાં ખૂબ જ સંઘર્ષ કર્યો છે. રોહિત શેટ્ટીએ કરિયરની શરૂઆત અજય દેવગનની ફિલ્મ 'ફૂલ ઔર કાંટે'માં આસિસ્ટન્ટ ડિરેક્ટર તરીકે કરી હતી. અત્યાર સુધી રોહિતે અજય સાથે 10 ફિલ્મો બનાવી છે.
એક રિપોર્ટ અનુસાર, રોહિત શેટ્ટીએ 1995માં આવેલી તબ્બુની ફિલ્મ 'હકીકત'માં તેની સાડી ઇસ્ત્રી કરી હતી. આ સિવાય રોહિત કાજોલનો સ્પોટબોય રહી ચૂક્યો છે, તે કાજલને ટચ અપ પણ કરી પણ આપતો હતો.
બોક્સ ઑફિસ પર 100 કરોડથી વધુની કમાણી કરનાર સૌથી વધુ ફિલ્મો રોહિત શેટ્ટીએ બનાવી છે. રોહિત શેટ્ટીની કુલ 8 ફિલ્મો બોક્સ ઑફિસ પર 100 કરોડની વધુ કમાણી કરી છે. જેમાં 'ચેન્નાઇ એક્સપ્રેસ' , 'ગોલમાલ 3' અને 'સિમ્બા'એ 200 કરોડથી પણ વધુ કમાણી કરી છે.
100 કરોડથી વધુ કમાણી કરનારી ફિલ્મો રોહિતની 'સિંઘમ', 'ગોલમાલ અગેન', 'સિંઘમ રિટર્ન્સ', 'સિમ્બા', 'દિલવાલે', 'બોલ બચ્ચન', 'ચેન્નાઇ એક્સપ્રેસ'નો સમાવેશ થાય છે. આમાંથી માત્ર 2 ફિલ્મો 'દિલવાલે' અને 'ચેન્નાઇ એક્સપ્રેસ'માં અજય દેવગન નહોતો.
હાલમાં રોહિત શેટ્ટી પોતાની અપકમિંગ ફિલ્મ 'સૂર્યવંશી'નું શૂટિંગ કરી રહ્યો છે. આ ફિલ્મમાં અક્ષય કુમાર લીડ રોલમાં જોવા મળશે જે આવતા વર્ષે ઇદ પર રિલીઝ થશે.