આક્રોશ / રિષભ પંતના અકસ્માત મામલે ફેન્સ અને મીડિયા પર કેમ લાલચોળ થઈ રોહિત શર્માની પત્ની? બરાબરની નિકાળી ભડાશ 

• રિષભ પંત ભયંકર અકસ્માત બાદ સારવાર હેઠળ 
• અકસ્માત મામલે રોહિત શર્માની પત્ની ફેન્સ અને મીડિયા સામે લાલચોળ 
• પંતના અકસ્માત બાદ રિતિકાએ ઈન્સ્ટાગ્રામ પર સ્ટોરી પોસ્ટ કરી 

ભારતીય ક્રિકેટ ટીમના સ્ટાર વિકેટ કીપર-બેટ્સમેન રિષભ પંતનો ગઇકાલે સવારે ભયાનક કાર અકસ્માત થયો હતો. પંત દિલ્હીથી રૂડકી સ્થિત પોતાના ઘરે જઈ રહ્યા હતા. પંતનો અકસ્માત એટલો જીવલેણ હતો કે, તેમની કાર સંપૂર્ણપણે બળીને રાખ થઈ ગઈ હતી. મળતી માહિતી મુજબ, ક્રિકેટરની કાર રોડ ડિવાઈડર સાથે અથડાઈ હતી, જેના કારણે તેને ઘણું નુકસાન થયું છે. આ ઘટના બાદ સોશિયલ મીડિયા પર પંતના અલગ-અલગ પ્રકારના વીડિયો વાયરલ થઈ રહ્યા છે. જે બાદ ટીમ ઈન્ડિયાના કેપ્ટન રોહિત શર્માની પત્ની રિતિકા સજદેહ ભડકી ગઈ છે.

રીતિકાને કેમ ગુસ્સો આવ્યો?

વાસ્તવમાં ગઇકાલે સવારે પંતનો અકસ્માત થતાં જ તેના ઘણા વીડિયો સોશિયલ મીડિયા પર વાયરલ થવા લાગ્યા હતા. ઘણા વીડિયોમાં જોઈ શકાય છે કે, પંત ખરાબ રીતે ઘાયલ છે. તો વળી આ દરમિયાન તેની બળી ગયેલી કારના ઘણા વીડિયો પણ વાયરલ થયા હતા. પરંતુ ભારતીય કેપ્ટન રોહિત શર્માની પત્ની રિતિકા સજદેહને આ વાત પસંદ ન આવી. પંતના અકસ્માત બાદ રિતિકાએ ઈન્સ્ટાગ્રામ પર એક સ્ટોરી પોસ્ટ કરી હતી.

Rohit Sharma's wife Ritika on Instagram. pic.twitter.com/GvD8eeic4d

— Mufaddal Vohra (@mufaddal_vohra) December 30, 2022

શું કહ્યું  રોહિત શર્માની પત્ની રિતિકા સજદેહે ? 

રિતિકાએ ઈન્સ્ટાગ્રામ પર એક સ્ટોરીમાં કહ્યું કે, આ ક્ષણે દુઃખી થયેલા કોઈના આવા ફોટા અને વીડિયો પોસ્ટ કરવા માટે તમારા પર શરમ આવે છે. તેઓ પણ આ સમયે તે નક્કી કરી શકતા નથી કે તેઓએ આ રીતે શેર કરવું જોઈએ કે નહીં. તેમના પરિવાર અને મિત્રો છે જેઓ આ ફોટાઓથી ખરાબ રીતે પ્રભાવિત થયા છે. એક છે પત્રકારત્વ અને બીજી સાદી અસંવેદનશીલતા.

પંતને ક્યાં-ક્યાં ઈજા થઈ ?

રિપોર્ટ અનુસાર રિષભ પંતની મર્સિડીઝ કાર દિલ્હી-દેહરાદૂન હાઈવે પર રોડ ડિવાઈડર સાથે અથડાઈ હતી, જેના કારણે આ અકસ્માત થયો હતો. 25 વર્ષીય રિષભ પંતની નજીકના સૂત્રોએ જણાવ્યું હતું કે ક્રિકેટર, જે રૂડકીમાં ઘરે જઈ રહ્યો હતો, અકસ્માત બાદ તેને સ્થાનિક હોસ્પિટલમાં લઈ જવામાં આવ્યો હતો. પંતને માથા, પીઠ અને પગમાં ઈજા થઈ છે, પરંતુ તેમની હાલત સ્થિર છે.