IND vs HK 2022 / રોહિત શર્મા પાસે વર્લ્ડ રેકૉર્ડ પોતાના નામે કરવાની તક, આવું તો ધોની પણ નથી કરી શક્યો

• 31 ઓગસ્ટનાં રોજ ભારત અને હૉંગકૉંગ વચ્ચે મુકાબલો   
• હૉંગકૉંગ સામે જીતીને રોહિત શર્મા સતત 7 મેચ એશિયા કપમાં જીતવાનો રેકોર્ડ બનાવશે 
• ધોનીએ  જીતી છે સતત 6 મેચ

31 ઓગસ્ટનાં રોજ ભારત અને હૉંગકૉંગ વચ્ચે મુકાબલો   

ભારતીય ટીમે પાકિસ્તાન સામએ ધમાકેદાર અંદાજમાંઆ પહેલો મુકાબલો જીત્યો છે. હવે 31 ઓગસ્ટનાં રોજ ટીમ ઈન્ડિયા હૉંગ કૉંગ સામે રમશે. આ મેચને જીતીને ટીમ ઈન્ડિયા સુપર 4 માટે ક્વોલિફાય થવા માંગશે. જો ભારતીય ટીમ આ મેચ જીતે છે, તો રોહિત શર્મા કેપ્ટન તરીકે મોટો રેકોર્ડ પોતાને નામ કરી લેશે અને દિગ્ગજ મહેન્દ્ર સિંહ ધોનીને પણ પાછળ છોડી દેશે. 

રોહિત શર્મા બનાવી શકે છે આ રેકોર્ડ 
રોહિત શર્માની કપ્તાનીમાં જ ટીમ ઈન્ડિયાએ 2018માં એશિયા કપની ટ્રોફી પોતાને નામ કરી હતી. ત્યારે ભારતે સતત પાંચ મેચ જીતી હતી. ભારતે પહેલા જ મુકાબલામાં પાકિસ્તાનને 5 વિકેટથી માત આપી છે. હવે ભારતનો સામનો હૉંગ કૉંગ જેવી નબળી ટીમ સાથે થશે. જો ટીમ ઈન્ડિયા આ મેચમાંઆ જીત મેળવે છે, તો રોહિત શર્મા એશિયા કપમાં સતત 7 મેચ જીતનાર પહેલા કેપ્ટન બની જશે. 

દિગ્ગજ મહેન્દ્ર સિંહ ધોનીની કપ્તાનીમાં ટીમ ઈન્ડિયાએ એશિયા કપમાં સતત 6 મેચ જીતી હતી. પાકિસ્તાનનાં કપ્તાન મોઈન ખાને પણ 6 મેચ જીતી છે. હૉંગકૉંગ સામે મેચ જીતતા જ રોહિત શર્મા આ બંને દિગ્ગજોને પાછળ છોડી દેશે. ભારતે ધોનીની કપ્તાનીમાં વર્ષ 2010 અને વર્ષ 2016માં એશિયા કપનો ખિતાબ પોતાને નામ કર્યો હતો. 

ભારતે જીત્યા સૌથી વધારે ખિતાબ 
ભારતીય ટીમ આ સમયે ખૂબ જ શાનદાર ફોર્મમાં છે. પાકિસ્તાનની ટીમને હરાવીને ભારતનું મનોબળ વધ્યું છે. ભારતે સૌથી વધારે 7 વાર એશિયા કપનો ખિતાબ પોતાને નામ કર્યો છે. જ્યારે શ્રીલંકાએ પાંચ વાર એશિયા કપ જીત્યો છે. પાકિસ્તાન માત્ર બે વાર એશિયા કપ જીતવામાં સફળ રહ્યું છે. આ વખતે રોહિત શર્માની કપ્તાનીમાંઆ ટીમ ઈન્ડિયા એશિયા કપ  જીતવા માટે પ્રબળ દાવેદાર તરીકે જોવા મળી રહી છે.