જ્યારે તમારી મેહનત રંગ લાવે ત્યારે સફળતા તમારા કદમોમાં આવી જાય છે. આવી જ કહાણી ટીમ ઈન્ડિયાના સ્ટાર બેટ્સમેન રોહિત શર્માની છે. જેમણે બેટિંગથી સમગ્ર દુનિયામાં પ્રખ્યાત થઇ ગયા છે. જ્યારે રોહિત શર્મા મેદાન પર બેટિંગ કરી રહ્યા હોય ત્યારે દર્શકોમાં એક આશા વધી જાય છે કે ભારત આ મેચ જીતીને રહેશે. રોહિતનાં ચાહકો આખા ભારતમાં છે. તેમણે આજ સુધી ઘણા રેકોર્ડ પોતાના નામે કરી લીધા છે.
વર્લ્ડકપ બાદ આવકમાં ભારે ઉછાળો જોવા મળ્યો
રોહિત શર્મા એક દિવસનાં કોમર્શીયલ શૂટ માટે એક કરોડ રૂપિયા ચાર્જ કરે છે
રોહિત શર્મા ખુબ ઓછું હસે છે જેના લીધે તેમને હલકી-ફૂલકી પ્રોડક્ટના વિજ્ઞાપનોમાં કામ કરવા મળતું નથી
વર્લ્ડ કપમાં પણ રોહિતનો જલવો જોવા મળ્યો હતો. તેમણે ગયા વર્લ્ડ કપમાં 5 શતક કર્યા હતા. જેનો ફાયદો ટીમની સાથે સાથે તેમને પણ થયો છે તેમની આવકમાં ભારે ઉછાળો જોવા મળ્યો છે. રોહિત શર્મા તેમની કમાણીમાં ખુબ આગળ નીકળી ગયા છે.
વર્લ્ડ કપ બાદ તેમની કમાણીમાં 75 કરોડનો ઉછાળો
રોહિત શર્મા એક દિવસનાં કોમર્શીયલ શૂટ માટે એક કરોડ રૂપિયા ચાર્જ કરે છે. વર્લ્ડ કપ બાદ તેમની કમાણીમાં 75 કરોડનો ઉછાળો જોવા મળ્યો છે. એક ખબર અનુસાર રોહિત શર્મા ખુબ ઓછું હશે છે જેના લીધે તેમને વિજ્ઞાપનોમાં કામ કરવા મળતું નથી.
રોહિત શર્મા કાર રાખવાના શોખીન
રોહિત શર્માની પત્ની રીતિકા પણ એક સ્પોર્ટસ મેનેજેન્ટની કંપની ચલાવે છે. ઇન્ટરેસ્ટિંગ વાત છે કે રોહિત શર્માએ પોતાનું કરિયર સ્પિનરનાં રૂપમાં શરુ કર્યું હતું પરંતુ બાદમાં કોચનાં કહેવાથી તેઓ બેટિંગમાં આગળ વધ્યા. રોહિત શર્મા કાર રાખવાના શોખીન છે.