ટીમ ઈન્ડિયાના કેપ્ટન રોહિત શર્મા મંગળવારે સતત એવી ટ્વીટ કરી રહ્યા છે જે ફેન્સને સમજ નથી આવી રહી. લોકોનું રિએક્શન છે કે રોહિત શર્માનું એકાઉન્ટ હેક થઈ ગયું છે.
રોહિત શર્મા ચર્ચામાં
રોહિત શર્માનું ટ્વીટર થયું હેક?
કરી આવી ટ્વીટ
ભારતીય ટીમના કેપ્ટન રોહિત શર્માની આગેવાનીમાં ભારતની નજર હવે શ્રીલંકા વિરૂદ્ધ થવા જઈ રહેલી ટેસ્ટ સીરીઝ પર છે. પહેલી મેચ ચાર માર્ચે રમાશે પરંતુ તે પહેલા કંઈક એવું થયું છે કે રોહિત શર્મા ચર્ચામાં આવ્યા છે.
મંગળવારે સતત રોહિત શર્માની તરફથી અમુક એવી ટ્વીટ આવી કે લોકોને શંકા ગઈ કે ટ્વીટર એકાઉન્ટ હેક તો નથી થઈ ગયું. કેપ્ટન રોહિત શર્માના આ ટ્વીટ્સ પર ફેન્સના ચોંકાવનારા રિએક્શન સામે આવ્યા છે.
Bzz….! Did you know? Buzzing beehives make for great boxing bags!
રોહિત શર્માએ સૌથી પહેલા ટ્વીટ કર્યું કે મને સિક્કો ઉછાળવો પસંદ છે. ખાસ કરીને જ્યારે તે મારા પેટ પર આવીને પડે. ત્યાર બાદ રોહિત શર્માએ લખ્યું કે શું તમને ખબર છે મધમાખી એક સારા બોક્સિંગ બેગનું કામ કરે છે. રોહિત શર્માએ બપોરે બીજુ એક ટ્વીટ કર્યું જેમાં તેણે લખ્યું કે ક્રિકેટ બોલ ખાવા લાયક હોય છે સાચુ ને?
રોહિત શર્માના આ ટ્વીટ જોઈને બધા ચોંકી ઉઠ્યા છે. ફેન્સે રિએક્શન આપ્યું કે તેમનુ ટ્વિટર એકાઉન્ટ હેક થઈ ગયું છે. અમુક ફેન્સે લખ્યું કે રોહિત શર્મા આજે અલગ જ મુડમાં છે. આ પહેલા જ્યારે રોહિત શર્માએ ટ્વીટ કર્યું હતું ત્યારે ટ્વીટર યુઝર્સે લખ્યું હતું કે વિરાટ કોહલીને ચિઢાવવા માટે આ પ્રકારના ટ્વીટ કરવામાં આવી રહ્યા છે.
રવિચંદ્રન અશ્વિને પણ રોહિત શર્માના ટ્વીટ પર જોરદાર કમેન્ટ કરી છે. તેમણે લખ્યું કે બની શકે છે કે તેનાથી સારો પણ ઓપ્શન છે. યુઝવેન્દ્ર ચહલે પણ ટ્વીટ કરી લખ્યું કે ભૈયા? શું થઈ રહ્યું છે બધુ ઠીક તો છેને?