'હિટમેન'ના નામથી જાણીતા આ ખતરનાક ખેલાડીએ પોતાના ટ્વીટર એકાઉન્ટ પેજ પર આઉટ થવા અંગેની એક તસવીર શેર કરી હતી. જેમાં સ્પષ્ટ દેખાઇ રહ્યું છે કે બેટ તથા દડા વચ્ચે ખાસ્સું અંતર જોવા મળ્યું હતું.
રોહિતના આ ટ્વીટ બાદ સોશિયલ મીડિયા પર ચાહકોએ થર્ડ અમ્પાયર પર ભારે કટાક્ષ કર્યો હતો. જણાવી દઇએ કે, ભારત તથા વેસ્ટ ઇન્ડિઝ વચ્ચે મેચમાં ઇંગ્લેન્ડના માઇકલ ગફ થર્ડ અમ્પાયરની ભૂમિકા ભજવી રહ્યા હતા.
સોશિયલ મીડિયામાં રોહિતના ચાહકોએ વિવિધ મીમ્સ દ્વારા થર્ડ અમ્પાયર પર પોતાનો ગુસ્સો વ્યક્ત કર્યો હતો. રોહિતના ચાહકો ખુબ જ ગુસ્સે ભરાયા હતા. તો વળી કેટલાક ચાહકો તો થર્ડ અમ્પાયરના ઘરનું સરનામું શોધતા પણ નજરે ચડ્યા હતા.
આપને જણાવી દઇએ કે, રોહિતે 23 બોલમાં 18 રન બનાવી આઉટ થયો હતો.
ગુરવારે યોજાયેલ આ મેચમાં કેમરા રોચની બોલ પર વિકેટકીપર શાઇ હોપ દ્વારા કેંચ આઉટ થયા બાદ રોહિત નિરાશ જોવા મળ્યો હતો.