બાબર અને રોહિત વચ્ચેની વાતચીતનો વીડિયો પાકિસ્તાન ક્રિકેટ બોર્ડના સત્તાવાર ટ્વિટર હેન્ડલ પર પોસ્ટ કરવામાં આવ્યો હતો.
ભારત પાકિસ્તાનનો મેચ શરૂ થવામાં હવે થોડી કલાકો જ બાકી
કેપ્ટન રોહિત શર્મા પાકિસ્તાની કેપ્ટન બાબર આઝમ સાથે મજાક કરતા જોવા મળ્યા
હાલ આ વિડીયો સોશ્યલ મીડિયા પર ખૂબ જ વાયરલ
એશિયા કપનો ભારત પાકિસ્તાનનો મેચ શરૂ થવામાં હવે થોડી કલાકો જ બાકી છે. ભારતીય ટીમ રવિવારે તેનો પહેલો મેચ પાકિસ્તાન સામે રમશે. બંને ટીમ એ મેચને લઈને ખૂબ તૈયારી કરી રહી છે. ટીમ ઈન્ડિયાના કેપ્ટન રોહિત શર્મા પણ પૂરી મહેનત સાથે જીતવા માટે તૈયારી રહી રહ્યા છે. તમને જણાવી દઈએ કે ભારત અને પાકિસ્તાન વચ્ચેની મેચ હોટસ્ટાર એપ અને સ્ટાર સ્પોર્ટ્સ નેટવર્ક પર જોઈ શકાય છે. ભારત Vs પાકિસ્તાન મેચ ભારતીય સમય અનુસાર રવિવારે સાંજે 7:30 વાગ્યે શરૂ થશે.
ઈન્ડિયા Vs પાકિસ્તાન મેચ
આ મેચ પહેલા હંમેશા જેમ મેદાનની બહાર માહોલ ખૂબ જ ગરમાયો છે. બંને ટીમના ફેન્સ મેચ શરૂ થવાની રાહ જોઈ રહ્યા છે. જો કે તમને જણાવી દઈએ કે બંને ટીમના ખેલાડીઓ એકદમ શાંત છે અને તેઓ એકબીજા સાથે સારો સમય વિતાવી રહ્યા છે. ટીમ ઈન્ડિયાના કેપ્ટન રોહિત શર્મા ગઈ કાલે પાકિસ્તાની કેપ્ટન બાબર આઝમ સાથે મજાક કરતા જોવા મળ્યા હતા.
વિડીયો વાયરલ
મેચ પહેલા બંને ટીમના કેપ્ટન એકબીજાને મળીને વાતચીત કરતાં જોવા મળ્યા હતા. બાબર અને રોહિત વચ્ચેની વાતચીતનો વીડિયો પાકિસ્તાન ક્રિકેટ બોર્ડના સત્તાવાર ટ્વિટર હેન્ડલ પર પોસ્ટ કરવામાં આવ્યો હતો. ભારતીય કેપ્ટન બાબર આઝમને કહેતા સાંભળી શકાય છે કે તેણે લગ્ન કરી લેવા જોઈએ. હાલ આ વિડીયો સોશ્યલ મીડિયા પર ખૂબ જ વાયરલ થઈ રહ્યો છે.
એક વર્ષ પહેલા થયો હતો મુકાબલો
બંને ટીમો વચ્ચે આજે રમાનારી મેચ લોકોમાં ઘણી ઉત્સુકતા લાવી છે. ગયા વર્ષે T20 વર્લ્ડ પછી એક વર્ષ પછી બંને ટીમ આમને-સામને આવી છે. ગયા વર્ષે દુબઈ ઈન્ટરનેશનલ ક્રિકેટ સ્ટેડિયમમાં જ બાબર આઝમની આગેવાની હેઠળ પાકિસ્તાન ટીમે 10 વિકેટેથી ભારત સામે મેચ જીતી હતી. પાકિસ્તાન માટે આ એક મોટી સિદ્ધિ હતી કારણ કે તેણે વર્લ્ડ કપ મેચમાં મેન ઇન બ્લુ એટલે કે ટીમ ઈન્ડિયા સામે તેમની પ્રથમ જીત મેળવી હતી.