ભારત અને ન્યુઝીલેન્ડ વચ્ચે હેમિલ્ટનમાં વચ્ચે T 20નો મુકાબલો ખુબ રોમાંચક રહ્યો હતો. મેચમાં એક સમસ્ય આવ્યો તો જ્યાં લોકોને લાગ્યું કે ન્યુઝીલેન્ડની ટીમ આજે જીતી જશે પરંતુ ટીમ ઈન્ડિયાએ પછી કમબેક કર્યું. છેલ્લી બોલ સુધી કોઈને ખબર ન હતી કે કઈ ટીમ વિજેતા બનશે. બંને ટીમ વચ્ચે જયારે મેચ ડ્રો થઇ ગઈ ત્યારે સુપરઓવર કરવાનો વારો આવ્યો હતો. સુપર ઓવરમાં રોહિત શર્માએ ખુબ ધુઆંધાર પ્રદર્શન કર્યું. છેલ્લી બે બોલમાં ભારતને 10 રનની જરૂર હતી જે બાદ બંને બોલ પર સિક્સ ફટકારી અને ભારતે ન્યુઝીલેન્ડની ધરતી પર ઈતિહાસ રચી દીધો. પરંતુ તમને ખબર છે હિટમેન રોહિતે મેચ જીતાડ્યા પછી શું કહ્યું?
આજે પહેલીવાર રોહિતે સુપરઓવરમાં બનાવ્યા રન
રોહિતે કહ્યું તેમને ખબર જ ન હતી કે સુપરઓવરમાં કરવાનું શું ?
ભારત T 20ના ઈતિહાસમાં પહેલીવાર
મેં ક્યારેય સુપરઓવરમાં બેટિંગ કરી જ નથી : રોહિત
આશ્ચર્યજનક રીતે રોહિત શર્માએ મેચ જીત્યા બાદ કહ્યું કે તેમને ખબર જ ન હતી કે સુપરઓવરમાં કઈ રીતે બેટિંગ કરવી. રોહિત શર્માએ કહ્યું 'મેં સુપરઓવરમાં પહેલા ક્યારેય બેટિંગ કરી જ નથી. મને ખબર જ ન હતી કે કરવાનું શું છે? પહેલી બોલ પર જ એક રન લેવાનો છે કે ત્રીજી-ચોથી બોલ પર બોલર પર દબાણ દબાવવાનું છે. હું બસ ધીરજતાથી ઉભો રહ્યો અને બોલરની ભૂલની રાહ જોતો રહ્યો.'
રોહિતને વધુ સારું પ્રદર્શન કરવાની ઈચ્છા હતી
રોહિત શર્માએ આગળ કહ્યું કે 'પીચ બેટિંગ કરવા માટે ખુબ સારી હતી અને હું તો સ્થિર રહેવા માંગતો હતો. હું મારી વિકેટ ખોઈ દેવાથી નિરાશ હતો. મારે આગળ રમવા જેવું હતું. મેં પહેલાની બે મેચમાં જ સારું પ્રદર્શન ન હતું કર્યું અને આ મુકાબલામાં મારી વધારે રન બનાવવાની ઈચ્છા હતી. અમને ખબર હતી કે આજે જીત્યા તો સીરીઝ જીતી જઈશું.'
શું છે સુપરઓવરમાં રોહિતનો ઈતિહાસ?
રોહિત શર્માએ પહેલા પણ સુપર ઓવર રમી છે પરંતુ તેમણે રન પહેલીવાર બનાવ્યા. આ પહેલા વર્ષ 2012માં વેસ્ટઇન્ડીઝ વિરુદ્ધ સુપરઓવર રમી હતી પરંતુ તેમાં તેઓ પહેલી જ બોલમાં આઉટ થઇ ગયા હતા. 2017માં IPLમાં ગુજરાત લાયન્સ વિરુદ્ધ ઉતર્યા જેમાં તેઓ એક પણ બોલ રમી જ ન શક્યા. 2019માં પણ રોહિત શર્મા સનરાઈઝર્સ હૈદરાબાદ વિરુદ્ધ મેદાને ઉતર્યા પણ આ મેચમાં પણ તેમને એક પણ બોલ રમવા મળી નહીં. આજે હેમિલ્ટનમાં રોહિત સુપરઓવરમાં 4 બોલ રમ્યા અને 15 રન ઠોકી દીધા.