ટી20 WC / પાકિસ્તાન સામેની મેચમાં ટીમ ઈન્ડિયા તરફથી કોણ કોણ રમશે? રોહિત શર્માએ કર્યું મોટું એલાન

• ટીમ ઇન્ડિયાનાં પ્લેઇંગ-11 અત્યારથી તૈયાર
• કપ્તાન રોહિત શર્માએ કર્યું એલાન
•  પ્રેસ કોન્ફેરેન્સમાં ટીમ વિષયક વાત કરી 

IND vs PAK : ટી20 વર્લ્ડ કપનાં પડઘા ચારેય બાજુ પડી રહ્યાં છે ત્યારે 16 ઑક્ટોબરથી ઑસ્ટ્રેલિયામાં આ મહા ટૂર્નામેન્ટની શરૂઆત થશે. ટીમ ઇન્ડિયા પોતાના મિશનની શરૂઆત 23 ઑક્ટોબરથી પાકિસ્તાન વિરુદ્ધ કરશે.  વર્લ્ડ કપની પૂર્વ સંધ્યાએ બધી ટીમોનાં કપ્તાનોની સાથે મીડિયાના લોકોએ સવાલ-જવાબ કર્યાં હતાં. આ પ્રેસ કોન્ફેરેન્સમાં ભારતીય કેપ્ટન રોહિત શર્માએ અહીં પાકિસ્તાન વિરુદ્ધ થનારી મેચને લગતાં પ્રશ્નોનાં જવાબ આપ્યાં હતાં. 

રોહિત શર્માએ આપ્યો તગડો જવાબ
કેપ્ટન રોહિત શર્માને જ્યારે થનારી ભારત-પાકિસ્તાન ટી-20 મેચને લઇને સવાલો કરવામાં આવ્યાં ત્યારે કપ્તાને ટીમ ઇન્ડિયાની પ્લેઇંગ-11 ની હિંટ તો આપી જ અને સાથે તેમણે કહ્યું કે '23 ઑક્ટોબરનાં થનારી મેચમાં અમારાં પ્લેઇંગ-11 શું હશે તે નક્કી થઇ ગયું છે. જે ખેલાડીઓ આ મેચમાં રમાવાનાં છે તેને આ વિષયક માહિતી આપી દેવાઇ છે.  '

"...જે છોકરાંઓ રમવાના છે તેમને જણાવી દીધેલ છે"
રોહિત શર્માએ વધુમાં લખ્યું કે તમારી પાસે હાજર ખેલાડીઓમાંથી તમે બેસ્ટ પર્ફોમ્ન્સ લ્યો,  આ સિવાય તો તમે કંઇ કરી શકો નહીં. 23 તારીખનાં થનારી મેચથી પહેલાં જ પ્લેઇંગ-11 તૈયાર છે,  જે પણ છોકરાંઓ રમવાના છે તેમને તૈયાર રહેવા જણાવી દીધેલ છે. હાલનાં ખેલાડીઓને રમવા માટે તૈયાર રહેવાનું જણાવી દેવું એ જ યોગ્ય છે. " 

સંભવિત પ્લેઇંગ-11
રોહિત શર્મા, કેએલ રાહુલ, વિરાટ કોહલી, સૂર્યકુમાર યાદવ, દીપક હુડ્ડા, રિષભ પંત, હાર્દિર પંડ્યા, દિનેશ કાર્તિક, રવિચંદ્રન અશ્વિન, ભુવનેશ્વર કુમાર, અર્શદીપ સિંહ, મોહમ્મદ શમી.
જો કે આ નામ ચોક્કસ નથી.  23 ઑક્ટોબરનાં બપોરે 1.30 વાગ્યે જ ખબર પડશે કે કોણ પ્લેયર આ વખતે ફિલ્ડ પર ધૂમ મચાવવા તૈયાર છે.