IND vs NZ / રોહિત શર્માએ મચાવી ધમાલ, બન્યાં સિક્સર કિંગ, પૂર્વ કેપ્ટનનો રેકોર્ડ તોડ્યો

• ભારતીય ટીમના કેપ્ટન રોહિત શર્માએ રેકોર્ડ બનાવ્યો
• ભારતીય ધરતી પર વન-ડેમાં સૌથી વધુ છગ્ગા ફટકાટનાર ખેલાડી બન્યાં
• રોહિતે પૂર્વ કેપ્ટન મહેન્દ્ર સિંહ ધોનીનો રેકોર્ડ તોડ્યો 

રોહિત શર્મા વન-ડે ક્રિકેટમાં સૌથી વધુ છગ્ગા ફટકાટનાર ખેલાડી બન્યાં

રોહિતે આ સિદ્ધી ન્યુઝીલેન્ડ સામે હૈદ્રાબાદ વન-ડેમાં પ્રાપ્ત કરી. ભારતીય ટીમના કેપ્ટન રોહિત શર્માએ ફરી એક વખત પોતાની બેટીંગથી ધૂમ મચાવી છે. રોહિત શર્મા ભારતીય ધરતી પર વન-ડે ક્રિકેટમાં સૌથી વધુ છગ્ગા ફટકાટનાર ખેલાડી બન્યાં છે. 

રોહિતે તોડ્યો ધોનીનો આ રેકોર્ડ 

આ મેચમાં રોહિતે 38 બોલમાં 34 રનની ઈનિંગ રમી. આ ઈનિંગ દરમ્યાન તેમણે 4 ચોગ્ગા અને 2 છગ્ગા ફટકાર્યા. આ સાથે વન-ડે આંતરરાષ્ટ્રીયમાં ભારતીય ધરતી પર રોહિત શર્માના કુલ 125 છગ્ગા થયા છે. તેઓ ભારતમાં સૌથી વધુ છગ્ગા ફટકારનારા ખેલાડી બન્યા છે. તેમણે ધોનીનો રેકોર્ડ તોડ્યો. જેણે ભારતમાં 130 વન-ડે મેચમાં 123 છગ્ગા ફટકાર્યા હતા. 

A steady 50-run partnership comes up between @ImRo45 & @ShubmanGill 👏👏

It's the third half-century partnership in four innings between this duo.

Live - https://t.co/DXx5mqRguU #INDvNZ @mastercardindia pic.twitter.com/Tz5DT8CcC1

— BCCI (@BCCI) January 18, 2023

ભારતીય ધરતી પર વનડેમાં સૌથી વધુ છગ્ગા બનાવવાનો રેકોર્ડ

રોહિત શર્મા- 125 છગ્ગા
એમએસ ધોની- 123 છગ્ગા
સચિન તેંડુલકર- 71 છગ્ગા
વિરાટ કોહલી- 66 છગ્ગા
યુવરાજ સિંહ- 65 છગ્ગા

રોહિતના ODIમાં અત્યાર સુધી કુલ 265 છગ્ગા

આંતરરાષ્ટ્રીય વન-ડે ક્રિકેટમાં સૌથી વધુ છગ્ગા ફટકારવાનો રેકોર્ડ અત્યારે પાકિસ્તાનના પૂર્વ કેપ્ટન શાહિદ આફ્રિદીના નામે છે. આફ્રિદીએ અત્યાર સુધી 398 વન-ડેમાં 351 છગ્ગા ફટકાર્યા છે. જ્યારે રોહિત શર્મા 239 વન-ડે મેચમાં 265 છગ્ગા ફટકારી ચોથા નંબરે સ્થાયી થયા છે. ધોનીએ કુલ 229 છગ્ગા માર્યા છે.