સ્પોર્ટસ / રોહિત શર્મા આ તારીખ ક્યારેય નહીં ભૂલે, જીવનભર રાખશે યાદ, શેર કરી ખાસ પોસ્ટ

ભારતીય ટીમના અનુભવી ઓપનિંગ બેટ્સમેન રોહિત શર્માને વિશ્વના શ્રેષ્ઠ ખેલાડીઓમાંના એક ગણવામાં આવે છે. આંતરરાષ્ટ્રીય ક્રિકેટમાં તેના નામે ઘણા રેકોર્ડ છે. તાજેતરમાં જ, આ બેટ્સમેન ટેસ્ટ ક્રિકેટમાંથી નિવૃત્તિ લઈ ચૂક્યો છે. અને, હવે તેણે સ્ટોરી તે તારીખનો ઉલ્લેખ કર્યો છે જે તે તેના જીવનમાં ક્યારેય ભૂલી શકશે નહીં. જે તારીખ રોહિત શર્મા ક્યારેય ભૂલી શકશે નહીં તે 23 જૂન છે. રોહિત આ તારીખ કેમ ભૂલી શકતો નથી? તેનો તેની સાથે શું સંબંધ છે? ચાલો જાણીએ.

23 જૂનથી રોહિત શર્માનો ખાસ સંબંધ છે.

રોહિત શર્માએ 18 વર્ષ પહેલા 23 જૂન 2007 ના રોજ આંતરરાષ્ટ્રીય ક્રિકેટમાં ડેબ્યૂ કર્યું હતું. તેણે બેલફાસ્ટમાં આયર્લેન્ડ સામે વનડે ડેબ્યૂ કર્યું હતું. શરૂઆતથી જ રોહિત શર્માએ પોતાની તોફાની બેટિંગથી ચાહકોના દિલ જીતી લીધા હતા. ભારતીય વનડે કેપ્ટને પોતાના ઓફિશિયલ ઇન્સ્ટાગ્રામ એકાઉન્ટ પર એક સ્ટોરી શેર કરી છે. આ સ્ટોરીમાં ભારતીય ટીમનું હેલ્મેટ છે અને લખ્યું છે, 'FOREVER GREATFUL' 23.06.07

આંતરરાષ્ટ્રીય ક્રિકેટમાં રોહિત શર્માના આંકડા

રોહિત શર્માએ 273 ODI મેચોમાં 48.76 ની એવરેજ અને 92.80 ના સ્ટ્રાઇક રેટથી 11168 રન બનાવ્યા છે. તે ODI ક્રિકેટમાં એકમાત્ર બેટ્સમેન છે જેણે ત્રણ બેવડી સદી ફટકારી છે. તેનો હાઇએસ્ટ સ્કોર 264 રન છે. આ આંતરરાષ્ટ્રીય ODI ક્રિકેટમાં કોઈપણ ખેલાડી દ્વારા સૌથી વધુ વ્યક્તિગત સ્કોર છે. ટેસ્ટ ક્રિકેટમાં, તેણે 67 મેચોમાં 40.57 ની સરેરાશથી 4301 રન બનાવ્યા છે.

આ પણ વાંચો : જસપ્રીત બુમરાહ 8 મહિનામાં જ ક્રિકેટ રમશે, પછી કરિઅર ખતમ! નિવેદને જગાવી ચર્ચા

ICC T20 વર્લ્ડ કપ 2024 જીત્યા પછી, રોહિત શર્માએ આંતરરાષ્ટ્રીય T20 ક્રિકેટમાંથી નિવૃત્તિ લીધી. તેણે આ ફોર્મેટમાં 159 મેચોમાં 140.89 ના સ્ટ્રાઇક રેટથી 4231 રન બનાવ્યા છે. તેણે T20 ક્રિકેટમાં પાંચ સદી ફટકારી છે અને તેનો સર્વોચ્ચ વ્યક્તિગત સ્કોર 121* રન છે.

રોહિત શર્માની કેપ્ટનશીપ હેઠળ, ટીમ ઈન્ડિયાએ ICC T20 વર્લ્ડ કપ 2024 ની ફાઇનલમાં દક્ષિણ આફ્રિકાને હરાવ્યું હતું. એટલું જ નહીં, તેમની કેપ્ટનશીપ હેઠળ, ટીમ ઈન્ડિયાએ 2025 માં ચેમ્પિયન્સ ટ્રોફી પણ જીતી છે. ટીમ ઈન્ડિયાએ 2025 માં ચેમ્પિયન્સ ટ્રોફીની ફાઇનલમાં ન્યુઝીલેન્ડ સામે જીત મેળવી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ