બાંગ્લાદેશ વિરુદ્ઘ વર્લ્ડ કપ મેચમાં ટૉસ જીતીને પહેલા બેટિંગ કરવા માટે આવેલા ભારતીય બેટ્સમેને સારા રન કર્યા. બર્મિધમના એજબેસ્ટનમાં રોહિતે બાંગ્લાદેશી બૉલર્સને હંફાવી નાખ્યા અને ઇન્ટરનેશનલ કરિયરની 26મી સેન્ચુરી કરી.
હાલના વર્લ્ડ કપ ટૂર્નામેન્ટમાં રોહિત શર્માની ચોથી સેન્ચુરી છે. વનડે ઇન્ટરનેશનલની વાત કરવામાં આવે તો રોહિત શર્માએ એજબેસ્ટનમાં સેન્ચુરીની હેટટ્રિક લગાવી દીધી છે. તેણે રવિવારે આ ગ્રાઉન્ડ પર ઇંગ્લેન્ડની વિરુદ્ઘ સેન્ચુરી કરી.
જ્યારે બાંગ્લાદેશ વિરુદ્ઘ ICC ચેમ્પિયન્સ ટ્રોફી 2017માં પણ આજ ગ્રાઉન્ડ પર 123* રન કર્યા. આ સાથે જ ઇંગ્લેન્ડના એક ગ્રાઉન્ડ પર વનડેમાં 3 સેન્ચુરીની હેટટ્રિક લગાવનારો રોહિત પહેલો બેટ્સમેન બની ગયો.
એજબેસ્ટનમાં રોહિતની સેન્ચુરીની હેટટ્રિક
- 104 vs બાંગ્લાદેશ , 2019 (2 જુલાઇ)
102 vs ઇંગ્લેન્ડ, 2019 (30 જૂન)
123* vs બાંગ્લાદેશ, 2017 (15 જૂન)
ઑવરઑલ વેન્યૂની વાત કરવામાં આવે તો સેન્ચુરીની હેટ્રિક લગાવનારો રોહિત બીજો ભારતીય બેટ્સમેન છે, આ પહેલા વિરાટ કોહલીએ કોલમ્બોમાં સતત 3 સેન્ચુરી ફટકારી હતી.
રોહિતે આ દરમિયાન વનડેમાં સૌથી વધારે સિક્સર્સ લગાવવાના મામલામાં મહેન્દ્ર સિંહ ધોનીને પાછળ છોડી દીધો છે. રોહિતે અત્યાર સુધી 230 સેન્ચુરી ફટકારી દીધી છે. રોહિત શર્માએ સર્વાધિક સિક્સર્સ લગાવનારા બેટ્સમેનની યાદીમાં દુનિયામાં ચોથા સ્થાન પર છે. રોહિતની આગળ ક્રિસ ગેલ, શાહિદ અફરીદી અને સનથ જયસૂર્યા છે.