ઈન્ડિયન પ્રીમિયર લીગ 2022ની સિઝનમાં સૌથી વધુ 5 વખત ચેમ્પિયન મુંબઈ ઈન્ડિયન્સની હાર સાથે શરૂઆત થઇ છે. રવિવારે બ્રેબોર્ન સ્ટેડિયમમાં રમાયેલી મેચમાં દિલ્હી કેપિટલ્સે મુંબઈને 4 વિકેટથી હરાવી. આ પરાજય બાદ પણ મુંબઈના કેપ્ટન રોહિત શર્મા તેના માર્ગથી વિચલિત થયા નથી.
IPL 2022ની પ્રથમ મેચ હાર્યા બાદ પણ વિચલિત નથી થયા રોહિત
રોહિતે શાંત અંદાજમાં દીકરી સાથે રમ્યા રમકડા
સતત 10મી વખત આઈપીએલમાં પોતાની ઓપનિંગ મેચ હારી
રોહિતે દીકરી સાથે રમ્યા રમકડા
મેચ બાદ રોહિત શર્મા ખૂબ શાંત અંદાજમાં જોવા મળ્યાં અને ઘરે જઇને દીકરીની સાથે રમકડા રમતા જોવા મળ્યાં. જેનો એક ફોટો રોહિતે ઈન્સ્ટાગ્રામ સ્ટોરી દ્વારા શેર કર્યો. તસ્વીરમાં જોઈ શકાય છે કે દીકરી સમાયરાની સાથે રોહિત પણ રમકડા રમવામાં ખોવાઈ ગયો છે.
રોહિતને ખબર છે કે પ્રારંભ એ અંત નથી
મહત્વનું છે કે રોહિત શર્માની કેપ્ટનશિપવાળી મુંબઈ ટીમ સતત 10મી વખત આઈપીએલમાં પોતાની ઓપનિંગ મેચ હારી છે. પરંતુ સૌથી મોટી વાત એ છે કે આ દરમ્યાન મુંબઈ ટીમે 5 વખત આઈપીએલ ખિતાબ પણ જીત્યો છે. જેના કારણે રોહિત આ પરાજયથી વિચલિત થયા નથી. તેમને ખબર છે કે શરૂઆત એ અંત નથી. મુંબઈ ટીમ 2013થી ટુર્નામેન્ટની પહેલી મેચ હારી રહી છે. 2013ની સિઝનમાં મુંબઈએ પોતાનો પ્રથમ ખિતાબ પણ જીત્યો હતો. 2013માં મુંબઈ ઈન્ડિયન્સની પ્રથમ મેચમાં રોયલ ચેલેન્જર્સ બેંગલોરને 2 રનથી કરારી હાર મળી હતી. ત્યારબાદ આ સિઝનની ફાઈનલ મેચમાં મુંબઈએ ચેન્નઈ સુપર કિંગ્સને 23 રનથી હરાવીને પોતાનો પ્રથમ ખિતાબ જીત્યો હતો.