ઓપનિંગ બેટ્સમેન તરીકે પહેલી વખત રમતા દક્ષિણ આફ્રિકાની વિરુદ્ધ પહેલી ટેસ્ટ મેચમાં બંને ઇનિંન્ગમાં સેન્ચ્યુરી કરનાર રોહિત શર્માને મેન ઑફ ધ મેચ તરીકે પસંદ કરવામાં આવ્યો છે. રોહિતે આ તક માટે ટીમ મેનેજમેન્ટનો આભાર માન્યો છે.
વિશાખાપટ્ટનમ ટેસ્ટ મેચમાં 'મેન ઑફ ધ મેચ' બન્યો રોહિત શર્મા
રોહિતે પહેલી ઇનિંન્ગમાં 176 રન અને બીજી ઇનિંન્ગમાં 127 રન બનાવ્યા.
ભારતે પહેલી ટેસ્ટમાં મહેમાન ટીમને 203 રનોથી હરાવીને ત્રણ મેચોની સીરિઝમાં 1 0થી બઢત પ્રાપ્ત કરી લીધી છે. રોહિતે આ મેચની પહેલી ઇનિંન્ગમાં 176 અને બીજી ઇનિંન્ગમાં 127 રન બનાવ્યા, બંને ઇનિંન્ગમાં રોહિતે કુલ 13 છગ્ગા ફટકાર્યા અને વસીમ અકરમની એક ટેસ્ટ મેચમાં સૌથી વધારે છગ્ગા લગાવવાનો 23 વર્ષ જૂના રેકોર્ડને તોડ્યો.
ઇનિંન્ગ શરૂ કરવી એક શાનદાર તક
મેચ બાદ રોહિત શર્માએ કહ્યું, 'હું વિકેટ પર જઇને મારું બેસ્ટ આપવા ઇચ્છતો હતો. મારા માટે ઇનિંન્ગ શરૂ કરવી એક શાનદાર તક હતી. હું આ તક માટે બધાનો આભાર માનુ છું. ખાસ કરીને એટલા માટે કારણ કે મેં આ કામ પહેલા કર્યું નથી. અમારું ધ્યાન મેચ જીતવા પર હતું અને અમે અમારા લક્ષ્યને પ્રાપ્ત કરવા સફળ રહ્યા.'
રોહિત પહેલાથી કરી રહ્યો હતો તૈયારી
રોહિતે કહ્યું, 'થોડા વર્ષ પહેલા એને કહેવામાં આવ્યું હતું કે એ ટેસ્ટ મેચોમાં ઇનિંન્ગની શરૂઆત કરી શકે છે અને આ જ કારણ છે કે એ નેટ્સ પર નવા બોલથી અભ્યાસ કરતો હતો. રોહિતે કહ્યું, 'મને થોડા વર્ષો પહેલા એવો સંકેત આપવામાં આવ્યો હતો. હું શારીરિક અને માનસિક રીતે એના માટે તૈયાર હતો.'
That will be Stumps on Day 4. #TeamIndia have managed to pick a wicket before close of play (SA 11/1). South Africa require 384 runs, & India 9 wickets to win the 1st Test #INDvSApic.twitter.com/WjPIs55qsM
રોહિતે કહ્યું, 'મારા માટે આ ચોંકાવનારો નિર્ણય નહતો. તમે લાલ કે સફેદ બોલથી રમો, ઇનિંન્ગની શરૂઆતમાં તમારે સાવધાની રાખવાની હોય છે. તમારે તમારા બેસિક્સ પર ધ્યાન આપવાનું હોય છે અને સારા બોલનું સમ્માન કરવાનું હોય છે. મારું કામ એક ખાસ અંદાજમાં રમવાનું છે અને આ એ હતું, જે લોકો મારી પાસેથી વર્ષોથી આશા રાખતા આવ્યા છે.'
નેચરલ મેચ ચાલુ રાખશે રોહિત
રોહિતે કહ્યું કે એ આવનારા સમયમાં પણ પોતાની સ્વાભાવિક મેચ ચાલુ રાખશે. રોહિતે કહ્યું, 'હું આગળ પણ મારી મેચરલ ગેમ ચાલુ રાખીશ.' એને આગળ કહ્યું કે વિકેટ કેવી છે એ ખૂબ મહત્વ હોય છે. આ મેચમાં મારા નામે ઘણા રેકોર્ડ બન્યા. મને એની જાણકારી નહતી.