આ મેચમાં ભારતીય બોલરોએ શાનદાર રમત બતાવી અને તમામના દિલ જીતી લીધા હતા. રવિન્દ્ર જાડેજાએ મેચમાં કુલ 7 વિકેટ ઝડપી અને 70 રન બનાવ્યા. તેના ઓલરાઉન્ડ પ્રદર્શનના કારણે જ ટીમ ઈન્ડિયા મેચ જીતવામાં સફળ રહી હતી.
લાઈવ મેચમાં કેપ્ટન રોહિત શર્મા કેમેરામેન પર ભડક્યો
જાડેજાને તેના શાનદાર પ્રદર્શન બદલ મેન ઓફ ધ મેચનો એવોર્ડ
અશ્વિનની જાદુઈ બોલિંગ સામે ઓસ્ટ્રેલિયાની બેટિંગ વેરવિખેર થઈ ગઈ
લાઈવ મેચમાં કેપ્ટન રોહિત શર્મા કેમેરામેન પર ભડક્યો
ભારતીય ટીમે ઓસ્ટ્રેલિયાને પ્રથમ ટેસ્ટ મેચમાં ઇનિંગ્સ અને 132 રને હરાવ્યું. આ મેચમાં ભારતીય બોલરોએ શાનદાર રમત બતાવી અને તમામના દિલ જીતી લીધા હતા. રવિન્દ્ર જાડેજાએ મેચમાં કુલ 7 વિકેટ ઝડપી અને 70 રન બનાવ્યા. તેના ઓલરાઉન્ડ પ્રદર્શનના કારણે જ ટીમ ઈન્ડિયા મેચ જીતવામાં સફળ રહી હતી. પરંતુ લાઈવ મેચમાં કેપ્ટન રોહિત શર્મા કેમેરામેન પર ભડકતો જોવા મળ્યો હતો, જેનો વીડિયો સોશિયલ મીડિયા પર વાયરલ થઈ રહ્યો છે.
વીડિયો સોશિયલ મીડિયામાં વાયરલ
રવિચંદ્રન અશ્વિનની ઓવરમાં ભારતે પીટર હેન્ડ્સકોમ્બને આઉટ કરવાની અપીલ કરી હતી, જેને અમ્પાયરે નકારી કાઢી હતી. આ પછી ટીમ ઈન્ડિયાએ ડીઆરએસનો સહારો લીધો. ડીઆરએસ કોલ દરમિયાન કેમેરામેને રોહિત શર્માને થોડો સમય સતત કેમેરા પર કેદ કર્યો અને તેને સ્ક્રીન પર બતાવ્યો, જેનાથી રોહિત થોડો ચિડાઈ ગયો. જે બાદ રોહિતે ‘મને શું બતાવી રહ્યો છે, ત્યાં બતાવને ’ એમ કહેતો જોવા મળ્યા હતો. જેનો વીડિયો હવે સોશિયલ મીડિયામાં વાયરલ થઈ રહ્યો છે.
અશ્વિને કર્યો કમાલ
ઓસ્ટ્રેલિયા વિરુદ્ધ પ્રથમ ટેસ્ટ મેચમાં ભારતીય સ્પિનરોએ શાનદાર રમત બતાવી તમામના દિલ જીતી લીધા હતા. બીજી ઈનિંગમાં રવિચંદ્રન અશ્વિનની જાદુઈ બોલિંગ સામે ઓસ્ટ્રેલિયાની બેટિંગ વેરવિખેર થઈ ગઈ હતી. અશ્વિને બીજી ઇનિંગમાં 5 વિકેટ ઝડપી હતી. રવિન્દ્ર જાડેજાને તેના શાનદાર પ્રદર્શન બદલ મેન ઓફ ધ મેચનો એવોર્ડ આપવામાં આવ્યો હતો. તેણે મેચમાં કુલ 7 વિકેટ લીધી અને 70 રન બનાવ્યા.
ઓસ્ટ્રેલિયાની ટીમ ટોસ જીતીને પ્રથમ બેટિંગ કરવા ઉતરી હતી, પરંતુ પ્રથમ દાવ માત્ર 177 રન પર જ સિમિત રહી ગયો હતો. બાદમાં ભારતીય ટીમે કેપ્ટન રોહિત શર્મા (120)ની સદી અને રવિન્દ્ર જાડેજા (70) અને અક્ષર પટેલ (84)ની જોરદાર ઇનિંગ્સની મદદથી 400 રન બનાવ્યા હતા. ઓસ્ટ્રેલિયાની ટીમનો બીજો દાવ માત્ર 91 રનમાં સમેટાઈ ગયો હતો. આ રીતે ટીમ ઈન્ડિયાએ ઈનિંગ અને 132 રનથી આ મેચ જીતી લીધી હતી.