ક્રિકેટ / રોહિત શર્માએ કર્યું ધમાકેદાર કમબેક! શ્રીલંકા સામે અડધી સદી ફટકારી હિટ મેને બનાવ્યો એક ખાસ રેકોર્ડ

• શ્રીલંકા સામેની સીરિઝની પહેલી ODI મેચમાં રોહિત શર્માએ બનાવ્યો રેકોર્ડ 
• શ્રીલંકા સામેની પહેલી વનડેમાં હિટ મેને અડધી સદી ફટકારી 
• રોહિતે અડધી સદી ફટકારીને બનાવ્યો ખાસ રેકોર્ડ 

ટીમ ઈન્ડિયા હાલ શ્રીલંકા સામે ODI સીરિઝની પહેલી મેચ રમી રહી છે. જણાવી દઈએ કે બંને ટીમો વચ્ચે સીરિઝની પહેલી મેચ ગુવાહાટીના બરસાપારા ક્રિકેટ સ્ટેડિયમમાં રમાઈ રહી છે અને આ મેચ માટે કેપ્ટન રોહિત શર્માએ પ્લેઇંગ 11ની પસંદગી કરવા માટે ઘણા ચોંકાવનારા નિર્ણય લીધા હતા. 

ટીમ ઈન્ડિયાના કેપ્ટન રોહિત શર્મા જ્યારે શ્રીલંકા સામેની સીરિઝની પહેલી ODI મેચમાં બેટિંગ કરવા ઉતર્યા ત્યારે લોકોને હિટ મેન પાસે ઘણી આશા હતી અને રોહિત શર્મા લોકોને એ આશાઓ પર ખરા ઉતર્યા છે. જણાવી દઈએ કે ત્રણ મેચની સીરિઝની પહેલી વનડેમાં તેણે જે રીતે શરૂઆત કરી તે રોહિતના પ્રશંસકો માટે નોસ્ટાલ્જીયા સર્જનારી હતી. ઘણા સમય પછી હિટ મેને પોતાની સામાન્ય શૈલીમાં ઇનિંગ્સની શરૂઆત કરી હતી, પહેલી ઓવરથી જ બોલરો પર રોહિત શર્મા એ હુમલો કરવાનું શરૂ કર્યું અને ઝડપી ગતિએ અડધી સદી ફટકારીને એક ખાસ રેકોર્ડ બનાવ્યો છે.

Captain @ImRo45 brings up his 47th ODI FIFTY!

A look at one of his MAXIMUMS in the innings so far.

Live - https://t.co/MB6gfx9iRy #INDvSL @mastercardindia pic.twitter.com/KdjsFEZdxr

— BCCI (@BCCI) January 10, 2023

શ્રીલંકા સામેની પહેલી વનડેમાં અડધી સદી ફટકારી 
જણાવી દઈએ કે રોહિત શર્મા એ શ્રીલંકા સામે 41 બોલમાં અડધી સદીના ફટકારી હતી અને આ દરમિયાન હિટમેને 7 ફોર અને 2 સિક્સર મારી હતી. આ રોહિતની જાણીતી શૈલી છે અને ઘણા સમય પછી રોહિતે શાનદાર પ્રદર્શન કરીને લોકો ચોંકાવી દીધા હતા. રોહિતે 67 બોલમાં 83 રન બનાવ્યા હતા કુલ 9 ફોર અને 3 સિક્સ ફટકારી હતી. 

Captain @ImRo45 departs after a fine knock of 83 off 67 deliveries.

Live - https://t.co/MB6gfx9iRy #INDvSL @mastercardindia pic.twitter.com/TsA1eBGJiO

— BCCI (@BCCI) January 10, 2023

રોહિતે અડધી સદી ફટકારીને બનાવ્યો ખાસ રેકોર્ડ 
કેપ્ટન રોહિત શર્મા એ આ મેચમાં અડધી સદી ફટકારીને ODIની સતત બે ઇનિંગ્સમાં આટલા રન બનાવ્યા છે. અંહિયા ખાસ વાત એ છે કે  હિટ મેને અલગ-અલગ બેટિંગ પોઝિશન પર રમતા આ બંને ફિફ્ટી ફટકારી હતી. જણાવી દઈએ કે હિટમેને બાંગ્લાદેશ સામેની તેની છેલ્લી ODI ઇનિંગમાં ઇજાગ્રસ્ત હાથ સાથે એક યાદગાર ઇનિંગ રમી હતી. 9માં નંબર પર બેટિંગ કરી રહેલા ભારતીય કેપ્ટને 27 બોલમાં અડધી સદી ફટકારી હતી અને 51 રનની એ ઇનિંગ્સમાં 3 ફોર અને 5 સિક્સર ફટકારી હતી. આ સાથે રોહિત શર્મા એ શ્રીલંકા સામેની વન-ડેમાં નંબર 1 પોઝિશન પર બેટિંગ કરતાં અડધી સદી ફટકારી હતી. જણાવી દઈએ કે રોહિત નંબર 9 અને નંબર 1 પર રમીને સતત બે ઇનિંગ્સમાં અડધી સદી ફટકારનાર વિશ્વનો પ્રથમ બેટ્સમેન બન્યો છે.