VIDEO / Shubman Gillને ઊંઘવા દેતા નથી ઈશાન કિશન, રોહિતે લીધો ઈન્ટરવ્યુ તો ખોલ્યાં ઘણા રહસ્યો

• ન્યુઝીલેન્ડ સામે વન-ડે જીત્યાં બાદ રોહિત શર્માએ લીધો ઈન્ટરવ્યુ
• શુભમન ગિલ અને ઈશાન કિશનનો ઈન્ટરવ્યુ લીધો
• ઈન્ટરવ્યુમાં શુભમને ઘણા રસપ્રદ ખુલાસા કર્યા 

રોહિત શર્માએ ઈશાન કિશન અને શુભમનનો લીધો ઈન્ટરવ્યુ

હૈદ્રાબાદમાં ન્યુઝીલેન્ડ સામે વન-ડેમાં ભારતને જીતાડવામાં શુભમન ગિલનુ મહત્વનું યોગદાન રહ્યું. ગિલે ડબલ સદી ફટકારીને ઘણા રેકોર્ડ તોડ્યા. ભારતીય ટીમ જીત્યા બાદ ભારતીય ક્રિકેટ કંટ્રોલ બોર્ડ બેવડી સદી ફટકારનારા ત્રણેય ખેલાડીઓને એક ફ્રેમમાં લઇ આવી. બીસીસીઆઈએ એક વીડિયો શેર કર્યો છે, જેમાં રોહિત શર્મા ઈશાન કિશન અને શુભમનનુ ઈન્ટરવ્યુ લેતા દેખાઈ રહ્યાં છે. આ ઈન્ટરવ્યુમાં શુભમ અને ઈશાને ઘણા રહસ્યો ઉજાગર કર્યા. 

આ મેચમાં મારી પાસે લાંબુ રમવા માટે વધુ એક તક હતી: શુભમન

શુભમને તેની બેવડી સદીનો ઉલ્લેખ કરતા કહ્યું, મને ઘણુ સારું લાગી રહ્યું છે. હું શ્રીલંકા શ્રેણી અંગે વિચારી રહ્યો હતો કે પહેલી અને ત્રીજી વન-ડેમાં કેવીરીતે આઉટ થયો હતો. એવુ ના થયુ અને આ સારું રહ્યું. આ મેચમાં મારી પાસે લાંબુ રમવા માટે વધુ એક તક હતી.

જ્યારે વિકેટ પડે છે તો બોલર અંડર પ્રેશર હોતો નથી: શુભમન

તેમણે વિકેટ પડવાને લઇને કહ્યું, "હું કઈ બીજુ વિચારતો ન હતો. જ્યારે વિકેટ પડે છે તો બોલર અંડર પ્રેશર હોતો નથી અને તેના માટે ડૉટ બોલ ફેંકવો સરળ હોય છે. તેથી તેને લાગવુ જોઈએ કે આ ઈન્ટન્ટ દેખાઈ રહ્યું છે. ચોગ્ગા-છગ્ગા મારી રહ્યો છે. જ્યારે ઈશાન બેટીંગ કરવા આવ્યાં તો મેં કહ્યું કે લેફ્ટ આર્મ કો..." આ દરમ્યાન રોહિતે મજાક કરતા ઈશાન કિશનની તરફ જોઇને કહ્યું કે આ અહીં શું કરી રહ્યો છે. 

1⃣ Frame
3️⃣ ODI Double centurions

Expect a lot of fun, banter & insights when captain @ImRo45, @ishankishan51 & @ShubmanGill bond over the microphone 🎤 😀 - By @ameyatilak

Full interview 🎥 🔽 #TeamIndia | #INDvNZ https://t.co/rD2URvFIf9 pic.twitter.com/GHupnOMJax

— BCCI (@BCCI) January 19, 2023

મારું પ્રી મેચ રૂટીન ઈશાન ખરાબ કરી નાખે છે: શુભમન

ઈશાને શુભમનને પૂછ્યુ કે તમારું પ્રી મેચ રૂટીન શુ છે. જેના પર શુભમને જવાબ આપતા કહ્યું, મારું પ્રી મેચ રૂટીન આ માણસ ખરાબ કરી નાખે છે. મને ઊંઘવા દેતો નથી. આઈપેડ પર તેના ઈયરપોડ્સને લગાવતો નથી. ફિલ્મ મોટા અવાજે ચાલતી હોય છે અને હું તેને કહુ છુ કે ભાઈ થોડો અવાજ ઓછો કરી નાખ. તો કહે છે કે તમે મારા રૂમમાં ઊંઘી રહ્યાં છો. તેથી મારા હિસાબ મુજબ ચાલશે.