ટીમ ઇન્ડિયાના સ્ટાર બેટ્સમેન રોહિત શર્માએ વેસ્ટ ઇન્ડિઝ સામેની મેચમાં રવિવારે ઓપનર તરીકે એક નવો રેકોર્ડ બનાવ્યો હતો. પોતાની ઇનિંગ્સમાં 9 રન પૂરા કરીને રોહિત એક કેલેન્ડર વર્ષમાં સૌથી વધુ રન કરનાર ઓપનર બની ગયો છે.
રોહિતે વેસ્ટ ઇન્ડિઝ સામે નવ રન પૂરા કરીને રેકોર્ડ પોતાના નામે કર્યો
શ્રીલંકાના સનથ જયસૂર્યાએ 1997માં ઑપનર તરીકે 2387 રન કર્યા હતા.
આ સિવાય રોહિત શર્માએ કેપ્ટન વિરાટ કોહલીનો પણ રેકોર્ડ તોડી દીધો
રોહિતે આ મામલે શ્રીલંકાના સનથ જયસૂર્યાનો 22 વર્ષ જૂનો રેકોર્ડ તોડ્યો હતો. શ્રીલંકાના સનથ જયસૂર્યાએ 1997માં ઓપનર તરીકે 2387 રન કર્યા હતા. રોહિતના વર્ષે ઓપનર તરીકે 2442 રન થઇ ગયા છે.
રોહિતે પાંચ ટેસ્ટમાં 93.66ની એવરેજ અને 3 સેન્ચુરીની મદદથી 556 રન કર્યા છે. 14 T-20માં 396 રન કર્યા છે. તેણે તે દરમિયાન ચાર ફિફટી મારી હતી. રોહિતે ત્રીજી વનડેમાં કરિયરની 43મી ફિફટી ફટકારતાં 63 રન કર્યા હતા. તેમજ લોકેશ રાહુલ સાથે પ્રથમ વિકેટ માટે 122 રનની પાર્ટનરશિપ કરી હતી.
હિટમેન રોહિત શર્માએ વિશાખાપટ્ટનમ ખાતે 159 રન કરીને આ વર્ષે વનડેમાં સૌથી વધુ રન કરનાર બેટ્સમેન બન્યો હતો. તેણે વનડે વર્લ્ડ કપમાં 5 સેન્ચુરીની મદદથી 648 રન કર્યા હતા. તે ઉપરાંત એક જ વર્લ્ડ કપમાં પાંચ સેન્ચુરી મારનાર પહેલો બેટ્સમેન બન્યો હતો.
આ સિવાય રોહિત શર્માએ વનડે ક્રિકેટમાં બ્રેડમેન માનવામાં આવનારા પોતાના સાથી ખેલાડી અને ટીમ ઇન્ડિયાના કેપ્ટન વિરાટ કોહલીનો રેકોર્ડ તોડી દીધો છે. રોહિત શર્માએ એક કેલેન્ડર વર્ષમાં વિરાટ કોહલી કરતા સૌથી વધારે વનડે રનનો રેકોર્ડ પોતાના નામે કરી દીધો છે. રોહિત શર્માએ વેસ્ટ ઇન્ડિઝ વિરુદ્ઘ છેલ્લી વનડેમાં 34 રન કરતા જ વિરાટ કોહલીએ 2017 કેલેન્ડર વર્ષમાં સૌથી વધારે વનડે રન કરવાનો રેકોર્ડ તોડી દીધો.
Milestone 🚨
Rohit Sharma surpasses Sanath Jayasuriya as the leading run scorer in a calendar year across formats. pic.twitter.com/E4Cr7n6ret