ચાહકો હરખઘેલા / રોહિત શર્માએ રચ્યો ઈતિહાસ, T20માં આવું કરનારો દુનિયાનો પહેલો બેટ્સમેન બન્યો

• ટીમ ઈન્ડીયાના કેપ્ટન રોહિત શર્માએ કર્યો મોટો રેકોર્ડ
• ટી-20માં 3500 રન પૂરા કરનાર દુનિયાનો પહેલો ખેલાડી બન્યો 
• એશિયા કપમાં હોંગકોંગ સામેની મેચમાં 21 રન પૂરા કરતા થયો વર્લ્ડ રેકોર્ડ 

એશિયા કપમાં હોંગકોંગ સામેની મેચમાં કેપ્ટન રોહિત શર્માએ એક નવી સિદ્ધી મેળવી છે.  જમણેરી બેટ્સમેન રોહિતે ટી-20 આંતરરાષ્ટ્રીય ક્રિકેટમાં 3500 રન પૂરા કર્યાં છે. રોહિતે બુધવારે એશિયા કપ 2022ની ચોથી મેચમાં હોંગકોંગ સામેની મેચમાં 21 રન પૂરા કરતા જ તે ટી-20માં 3500 રન પૂરા કરનાર દુનિયાનો પહેલો બેટ્સમેન બની ગયો હતો. ભારતીય કેપ્ટને આ રન 32.11ની એવરેજથી બનાવ્યા છે. રોહિતે હોંગકોંગ સામે 21 રન ફટકાર્યા હતા. તેણે 13 બોલમાં બે ચોગ્ગા અને એક છગ્ગો ફટકાર્યો. ભારતીય કેપ્ટનને આયુષ શુક્લાએ એજાઝ ખાનના હાથે કેચઆઉટ કરાવ્યો. 

Rohit Sharma becomes the first player to score 3500 runs in T20I history.

— Johns. (@CricCrazyJohns) August 31, 2022

પાકિસ્તાન સામેની મેચમાં એક રને ચૂકી ગયો રોહિત 
પાકિસ્તાન સામેની મેચમાં જ રોહિત ટી-20માં 3500 રન પૂરા કરી શક્યો હોત પરંતુ તે ફક્ત એક રનથી ચૂકી ગયો હતો. રવિવારે પાકિસ્તાન સામે રમાયેલી મેચમાં રોહિત 12 રન કર્યાં હતા. 13 કર્યા હોત તો તેણે તે જ વખતે આવી સિદ્ધી મેળવી લીધી હોત. એશિયા કપ 2022ની બીજી મેચ રવિવારે દુબઈના મેદાન પર ભારત અને પાકિસ્તાન વચ્ચે રમાઈ હતી. આ મેચમાં ટીમ ઈન્ડિયાના કેપ્ટન રોહિત બેટ સાથે સંઘર્ષ કરતો જોવા મળ્યો હતો.

Asia Cup 2022: Rohit Sharma becomes first player to score 3500 runs in T20I matches

Read @ANI Story |https://t.co/5B9EB5vlP4#RohitSharma𓃵 #AsiaCupT20 #Cricket #TeamIndia pic.twitter.com/uEei1D4opi

— ANI Digital (@ani_digital) August 31, 2022

ટી-20માં સૌથી વધુ રન કરનાર બેટ્સમેનોની યાદીમાં માર્ટિન ગપ્ટિલ બીજા નંબરે 
ટી-20 આંતરરાષ્ટ્રીય ક્રિકેટમાં સૌથી વધુ રન ફટકારનારા બેટ્સમેનોની યાદીમાં રોહિત બાદ ન્યૂઝીલેન્ડનો માર્ટિન ગપ્ટિલનો નંબર આવે છે. તેના નામે 3497 રન નોંધાયેલા છે. ગપ્ટિલે આ રન 31.79ની એવરેજથી બનાવ્યા છે. તે જ સમયે, ભૂતપૂર્વ ભારતીય કેપ્ટન વિરાટ કોહલી 3343 રન સાથે ત્રીજા નંબર પર છે. રોહિત પહેલા મહિલા ક્રિકેટમાં ન્યૂઝીલેન્ડની સુઝી બેટ્સે ટી-20માં 3500 રન પૂરા કર્યાં છે.