ક્રિકેટ / હર્ષલ પટેલની જગ્યાએ આ પ્લેયરને તક આપી શકે છે રોહિત શર્મા, ફટાફટ વિકેટ પાડે એવો દમદાર બોલર

• ઓસ્ટ્રેલીયા સામે સીરીઝમાં હર્ષલ પટેલનું પ્રદર્શન ખરાબ 
• દિપક ચાહરને સાઉથ આફ્રિકા સામે તક આપી શકે છે રોહિત શર્મા 
• બની શકે બુમરાહનાં નવા બોલિંગ પાર્ટનર 

ભારતીય ટીમ સાઉથ આફ્રિકા સામે ત્રણ મેચોની ટી20 સીરીઝ રમશે. ટી૨૦ વર્લ્ડ કપ પહેલા ટીમ ઇન્ડિયાની આ છેલ્લી ટી૨૦ સીરીઝ હશે. એટલા માટે આ સીરીઝમાં કેપ્ટન રોહિત શર્મા યોગ્ય ટીમ સેટ કરવાની કોશિશ કરશે. ભારતીય ટીમની બોલિંગ, તેની સૌથી મોટી ચિંતાનો વિષય બની છે. આવામાં હર્ષલ પટેલની જગ્યાએ કેપ્ટન રોહિત શર્મા એક સ્ટાર પ્લેયરને તક આપી શકે છે. આ પ્લેયર જસપ્રીત બુમરાહનો નવો સાથી બની શકે છે. 

હર્ષલ પટેલનું ખરાબ પ્રદર્શન 
હર્ષલ પટેલે લાંબા સમય બાદ ટીમ ઇન્ડિયામાં વાપસી કરી છે, પણ તે પોતાના નામની અનુરૂપ પ્રદર્શન કરવામાં નિષ્ફળ રહ્યા છે. હર્ષલે ઓસ્ટ્રેલીયા સામે ખૂબ જ રન લુંટાવ્યા અને ટીમ ઇન્ડિયા માટે તેઓ બોજ બની ગયા. આવામાં સાઉથ આફ્રિકા સામે સીરીઝમાં કેપ્ટન રોહિત શર્મા તેમની જગ્યાએ દિપક ચાહરને તક આપી શકે છે. દિપક ચાહર હાલમાં શાનદાર ફોર્મમાં ચાલી રહ્યા છે.

ઓસ્ટ્રેલીયા સામે હર્ષલ પટેલ રહ્યા ફ્લોપ 
ઓસ્ટ્રેલીયા સામે પહેલી ટી20 મેચમાં હર્ષલ પટેલે પોતાની ચાર ઓવરમાં 49 રન આપ્યા અને એકપણ વિકેટ ન લઇ શક્યા. જ્યારે બીજી ટી૨૦ મેચમાં પણ તેમનું ખરાબ પ્રદર્શન જોવા મળ્યું. આ મેચમાં તેમણે પોતાની બે ઓવરમાં 32 રન આપ્યા. સીરીઝની ત્રીજી અને છેલ્લી મેચમાં હર્ષલ પટેલે 2 ઓવરમાં 18 રન આપ્યા અને એક વિકેટ લીધી.

દિપક ચાહરની શાનદાર બોલિંગ 
દિપક ચાહર શાનદાર બોલિંગ કરે છે અને ખાસ વાત તો એ છે કે તેઓ રન ડિફેન્ડ કરવાની સાથે સાથે વિકેટ લેવામાં માહેર છે. દિપક ચાહર પોતાના દમ પર ભારતીય ટીમને ઘણી મેચમાં જીત અપાવી ચુક્યા છે. તેમની પાસે એ કુશળતા છે કે તેઓ કોઈપણ બેટિંગ ઓર્ડરને ધ્વસ્ત કરી શકે છે. 

બની શકે છે બુમરાહનાં નવા સાથી 
સીરીઝમાં જો  દિપક ચાહરને તક મળે છે તો તેઓ જસપ્રીત બુમરાહનાં નવા બોલિંગ પાર્ટનર સાબિત થઈ શકે છે. દિપક ચાહર ધીમી ગતિથી જલ્દી વિકેટ લઇ શકે છે અને તેમની લાઈન અને લેન્થ ચોક્કસ સાબિત થાય છે.