રોહિત શર્માએ આજ સુધી પોતાના નામે ઘણા રેકોર્ડ નોંધાવ્યા છે. હાલમાં ભારત અને ન્યુઝીલેન્ડ વચ્ચે ચાલતી સીરીઝમાં રોહિત શર્મા વધુ એક રેકોર્ડ બનાવી તે સહેવાગ અને સચિનની યાદીમાં સામેલ થઇ જાય તેવી આશા છે. ઓપનર તરીકે રોહિત શર્મા આ મેચમાં પોતાના 10 હજાર રન પુરા કરી શકે છે. અત્યાર સુધી માત્ર 3 જ ભારતીય ક્રિકેટર એવા છે જેમણે ઓપનર તરીકે આ ઉપલબ્ધિ પોતાના નામે કરી છે.
ન્યુઝીલેન્ડ સામેની સીરીઝમાં ભારતે પહેલી મેચ પોતાના નામે કરી હતી
રોહિત શર્મા 56 રન બનાવે તો ઓપનર તરીકે 10 હજાર રન પુરા થઇ જશે
સચિન, સેહવાગ અને ગાવસ્કરે આ સિદ્ધિ હાંસલ કરેલી છે
ભારતીય ઓપનર રોહિત શર્મા ઓકલેન્ડમાં ન્યુઝીલેન્ડ વિરુદ્ધ સીરીઝમાં એક ખાસ ઉપલબ્ધિ પોતાના નામે કરી શકે છે. નોંધનીય છે કે ભારત અને ન્યુઝીલેન્ડ વચ્ચેની સીરીઝમાં પહેલી મેચ ભારતે જીતી લીધી હતી. ટીમ ઈન્ડિયાના ઓપનર અને દિગ્ગજ રોહિત શર્મા જો 56 રન બનાવે છે તો ઓપનર તરીકે ઇન્ટરનેશનલ ક્રિકેટમાં 10 હજાર રન પુરા કરી લેશે. અત્યાર સુધી ઇન્ટરનેશનલ ક્રિકેટમાં આજ સુધી 3 બેટ્સમેને ઓપનર તરીકે 10 હજાર રન પુરા કરી શક્યા છે.
દિગ્ગજ ક્રિકેટર સચિન તેંદુલકર, સુનીલ ગાવસ્કર અને વીરેન્દ્ર સેહવાગનાં નામે આ ઉપલબ્ધિ નોંધાયેલી છે. ગાવસ્કરે ઓપનર તરીકે 12 હજારથી વધુ રન બનાવ્યા હતા. જયારે સેહવાગે ઇન્ટરનેશનલ ક્રિકેટમાં ઓપનર તરીકે 16119 રન બનાવ્યા હતા. સચિન તેંદુલકરે 15 હજારથી વધુ રન ઓપનર તરીકે બનાવ્યા છે ત્યારે હવે ટૂંક સમયમાં રોહિત શર્માનું નામ આ લીસ્ટમાં જોડાઈ જાય તેવી આશા છે.
રોહિત શર્માએ બધી જ મેચમાં કુલ 13 હજારથી વધારે રન બનાવ્યા છે પરંતુ ઓપનર તરીકે તેમણે 219 આંતરરાષ્ટ્રીય મેચમાં 9944 રન બનાવ્યા છે. ન્યુઝીલેન્ડ સામેની બીજી મેચમાં રોહિત શર્મા પાસે તેમાં 10 હજાર રન પુરા કરવાનો મોકો હશે. T 20માં રોહિત શર્માએ 2640 રન બનાવ્યા છે.