IND vs AUS / શું રાજકોટમાં રોહિત શર્મા તોડી નાખશે સચિન- સૌરવનો આ મહત્વનો રેકોર્ડ, માત્ર 46 રનની જરુર

• રાજકોટનાં ખંડેરિમાં આજે મહત્વની મેચ
• 46 રન કરે તો રોહિત સૌથી ઝડપથી 9000 રન કરનાર ત્રીજા ખેલાડી બની જશે
• સૌથી ઝડપી 9000 રન બનાવવાનો રેકોર્ડ વિરાટ કોહલીનાં નામે છે

ઓસ્ટ્રેલીયા વિરુદ્ધ આજે રાજકોટમાં મેચ રમાવાની છે જેમાં ભારતનાં વાઈસ કેપ્ટન એક નવો રેકોર્ડ પોતાના નામે કરી શકે છે. જોકે રોહિત શર્મા મુંબઈમાં જે વન ડે રમવામાં આવી હતી તેમાં રોહિત શર્મા કંઈ ખાસ કરી શક્યા નથી. હવે જોવાનું એ રહે છે રાજકોટનાં આ ખંડેરિ સ્ટેડીયમ કેટલા રન બનાવી શકે છે. 

રોહિતે 215 ઇનિંગમાં 8954 રન બનાવ્યા છે

જો રોહિત રાજકોટમાં 46 રન બનાવી લે તો સચિન તેંદુલકર, સૌરવ ગાંગુલી જેવા મહાન ખેલાડીઓનો રેકોર્ડ તોડી નાખશે. રોહિત જો રાજકોટમાં 46 રન બનાવી લે છે તો દુનિયામાં સૌથી ફાસ્ટ 9000 રન બનાવનાર ત્રીજા ખેલાડી બની જશે. રોહિતે 215 ઇનિંગમાં 8954 રન બનાવ્યા છે અને હવે રાજકોટમાં 9000 રન પૂરાં કરી લે તો સૌરવ ગાંગુલી, સચિન તેંદુલકર, બ્રાયન લારાનો રેકોર્ડ તોડી દેશે. 

વર્લ્ડ કપમાં પાંચ શતક ફટકારનાર ખેલાડી બની નવો ઈતિહાસ પણ રચ્યો​

નોંધનીય છે કે વન ડેમાં સૌથી ઝડપી 9000 રન બનાવવાનો રેકોર્ડ વિરાટ કોહલીનાં નામે છે અને બીજા નંબરે એબી ડીવિલિયર્સનું નામ આવે છે. વર્ષ 2019માં 7 શતકની મદદથી 1490 રન બનાવ્યા હતા અને વર્લ્ડ કપમાં પાંચ શતક ફટકારનાર ખેલાડી બની નવો ઈતિહાસ પણ રચ્યો હતો. આ સિવાય જો રોહિત આ મેચમાં 7 સિક્સર કરે તો બધી ફોરમેટમાં ઓસ્ટ્રેલિયા વિરુદ્ધ 100 સિક્સર કરનાર પહેલાં ખેલાડી બની જશે.