બર્થ ડે સ્પેશ્યલ / આજે 36મો જન્મદિવસ ઉજવી રહ્યો છે 'હિટમેન', જાણો રોહિત શર્માના આ પાંચ રેકોર્ડ જેને તોડવા અશક્ય!

• વિસ્ફોટક બેટિંગ સ્ટાઈલ માટે દુનિયાભરમાં પ્રખ્યાત છે રોહિત શર્મા
• 'હિટમેન' રોહિત શર્મા તેનો 36મો જન્મદિવસ ઉજવી રહ્યો છે
• રોહિત શર્માના પાંચ રેકોર્ડ જેને કોઈ માણસ તોડી શકશે નહીં

ટીમ ઈન્ડિયાના કેપ્ટન અને સ્ટાર બેટ્સમેન રોહિત શર્મા પોતાની વિસ્ફોટક બેટિંગ સ્ટાઈલ માટે દુનિયાભરમાં પ્રખ્યાત છે. આજે 'હિટમેન' રોહિત શર્મા તેનો 36મો જન્મદિવસ ઉજવી રહ્યો છે. વિશ્વ ક્રિકેટમાં રોહિત શર્માના નામે આવા ઘણા મોટા રેકોર્ડ નોંધાયેલા છે, જેને તોડવું હવે અશક્ય બની ગયું છે. આવી સ્થિતિમાં તેમના 36મા જન્મદિવસના અવસર પર ચાલો જાણીએ તેમના સાથે જોડાયેલા કેટલાક ખાસ રેકોર્ડ.

રોહિત શર્માના પાંચ રેકોર્ડ જેને કોઈ માણસ તોડી શકશે નહીં

4️⃣4️⃣0️⃣ intl. matches
1️⃣7️⃣0️⃣5️⃣7️⃣ intl. runs
4️⃣3️⃣ intl. hundreds 💯
Only cricketer to score Three ODI double hundreds 🫡🫡

Here’s wishing #TeamIndia captain @ImRo45, a very happy birthday 🎂 👏🏻 pic.twitter.com/uNV9VbEUFb

— BCCI (@BCCI) April 30, 2023

 
વનડેમાં સૌથી વધુ બેવડી સદી ફટકારનાર 
રોહિત શર્મા વિશ્વનો એકમાત્ર એવો ક્રિકેટર છે જેણે ODI ક્રિકેટમાં ત્રણ બેવડી સદી ફટકારી છે. રોહિત સિવાય આખી દુનિયામાં કુલ 11 ખેલાડીઓએ બેવડી સદી ફટકારી છે, પરંતુ રોહિતની બમણીથી વધુ આ સિદ્ધિ અન્ય કોઈએ કરી નથી.

IPLનો સૌથી સફળ કેપ્ટન છે રોહિત 
ઈન્ડિયન પ્રીમિયર લીગમાં મુંબઈ ઈન્ડિયન્સની કેપ્ટનશીપ કરતી વખતે રોહિત શર્માએ પાંચ વખત આ ખિતાબ જીત્યો છે. આ લીગમાં અન્ય કોઈ કેપ્ટન આવી સિદ્ધિ કરી શક્યો નથી.

To मुंबईचा राजा, our skipper, आपला 𝗥𝗼, sab ka Hitman: here’s to a journey of a lifetime and so much more to come. 💙

Happy birthday, @ImRo45. 🥳🥹#OneFamily #HappyBirthdayRohit #MumbaiMeriJaan #MumbaiIndians pic.twitter.com/Km3W60zHEW

— Mumbai Indians (@mipaltan) April 29, 2023

રોહિતે બાઉન્ડ્રીથી સૌથી વધુ રન બનાવ્યા 
રોહિત શર્માએ વનડે ક્રિકેટની એક ઇનિંગ્સમાં માત્ર બાઉન્ડ્રીથી 186 રન બનાવ્યા છે, જણાવી દઈએ કે રોહિતે 2014માં શ્રીલંકા સામે 264 રનની ઈનિંગમાં 186 રન બનાવ્યા હતા, જેમાં 33 ફોર અને 9 સિક્સ સામેલ હતી.

એક વર્ષમાં સૌથી વધુ સિક્સર મારનાર બેટ્સમેન 
જણાવી દઈએ કે રોહિત શર્મા વિશ્વનો એકમાત્ર એવો બેટ્સમેન છે જેણે એક વર્ષમાં સૌથી વધુ સિક્સર ફટકારવાનો રેકોર્ડ બનાવ્યો છે. રોહિતે આંતરરાષ્ટ્રીય ક્રિકેટમાં એક વર્ષમાં કુલ 78 સિક્સર ફટકારી છે.

#Hitman10 | 𝗥𝗢𝗛𝗜𝗧𝗧𝗧𝗧𝗧𝗧𝗧 𝗥𝗢𝗛𝗜𝗧𝗧𝗧𝗧𝗧 🗣️

🔟 years of cheering for RO and we still want more. 🥹 Paltan, kal #MIvRR Skipper ke naam - mahaul bana dena.#OneFamily #MumbaiMeriJaan #MumbaiIndians #TATAIPL #IPL2023 pic.twitter.com/kNVKTQURIM

— Mumbai Indians (@mipaltan) April 29, 2023

T20માં સૌથી વધુ સદી ફટકારી 
ભારતનો સ્ટાર બેટ્સમેન રોહિત શર્મા વિશ્વ ક્રિકેટમાં એકમાત્ર એવો ખેલાડી છે જેણે T20 ઈન્ટરનેશનલમાં સૌથી વધુ સદી ફટકારવાનો રેકોર્ડ બનાવ્યો છે. રોહિત શર્માએ કુલ ચાર સદી ફટકારી છે.