ક્રિકેટ / દ. આફ્રિકા માટે ભારતીય ટીમની જાહેરાત, રોહિત શર્મા કેપ્ટન, ગુજરાતના 4 ખેલાડીઓ

• ભારત અને દક્ષિણ આફ્રિકા વચ્ચે 26 ડિસેમ્બરથી 3 ટેસ્ટની શ્રેણી
• ટીમ ઈન્ડીયા સાઉથ આફ્રિકાનો પ્રવાસ ખેડશે
• રોહિત શર્માને કેપ્ટન જાહેર કરાયો
• 18 ખેલાડીઓની થઈ પસંદગી

BCCIએ દક્ષિણ આફ્રિકા માટે ટીમ ઈન્ડીયાની જાહેરાત કરી દીધી છે. ટેસ્ટ માટે 18 ખેલાડીઓની પસંદગી કરાઈ છે. વિરાટ કોહલીને ટેસ્ટ ટીમની કમાન મળી છે, રોહિત શર્માને વનડે ટીમને કેપ્ટન બનાવાયો છે. ખરાબ ફોર્મનો સામનો કરી રહેલા અજિંક્ય રહાણે પાસેથી ટેસ્ટમાં ઉપ કેપ્ટનશીપ છીનવી લેવામાં આવી છે. 

વિરાટ કોહલી પાસેથી વનડેની કેપ્ટનશીપ છીનવી લેવામાં આવી

વિરાટ કોહલી પાસેથી  વનડેની કેપ્ટનશીપ છીનવી લેવામાં આવી છે તે હવે ફક્ત ટેસ્ટની કેપ્ટનશીપ કરશે. ટી 20 વર્લ્ડ કપ બાદ ટી-20 ફોર્મેટની કમાન સંભાળનાર રોહિત શર્મા હવે વનડે ટીમનો કેપ્ટન બન્યો છે. એટલે કે ટીમ ઈન્ડીયા રોહિત શર્માની આગેવાનીમાં 50 ઓવરના વર્લ્ડકપ 2023 માટે તૈયાર થશે. 

સાઉથ આફ્રિકા માટે રાહુલ ચાહર, શુભમન ગીલ, અક્ષર પટેલ અને રવિન્દ્ર જાડેજાને ઈજાને કારણે ટીમમાંથી બહાર રાખવામાં આવ્યાં છે જ્યારે નવદીપ સૈની, સૌરભ કુમાર, દીપક ચાહર અરજન નગવાસવાલાને સ્ટેન્ડબાય ખેલાડી તરીકે રાખવામાં આવ્યાં છે. 

The All-India Senior Selection Committee also decided to name Mr Rohit Sharma as the Captain of the ODI & T20I teams going forward.#TeamIndia | @ImRo45 pic.twitter.com/hcg92sPtCa

— BCCI (@BCCI) December 8, 2021

ટેસ્ટ ટીમના ખેલાડીઓ 

ટેસ્ટ : વિરાટ કોહલી (કેપ્ટન), રોહિત શર્મા, કેએલ રાહુલ, મયંક અગ્રવાલ, ચેતેશ્વર પુજારા, અજિંક્ય રહાણે, શ્રેયસ અય્યર, હનુમા વિહારી, રિષભ પંત, રિદ્ધિમાન સાહા, રવિચંદ્રન અશ્વિન, જયંત યાદવ, ઇશાંત શર્મા, મોહમ્મદ શમી, ઉમેશ યાદવ, જસપ્રિત બુમરાહ, શાર્દુલ ઠાકુર અને મોહમ્મદ સિરાજ.

ભારત દક્ષિણ આફ્રિકા શ્રેણી શા માટે ખાસ છે?
ભારત-દક્ષિણ આફ્રિકા શ્રેણી એવા સમયે થવાની છે જ્યારે દક્ષિણ આફ્રિકા આંતરરાષ્ટ્રીય ક્રિકેટમાં પુનરાગમનના 30 વર્ષ પૂર્ણ કરશે. રંગભેદને કારણે ૧૯૭૦ માં આઇસીસી દ્વારા દક્ષિણ આફ્રિકા પર પ્રતિબંધ મૂકવામાં આવ્યો હતો. 1991માં જ્યારે સાઉથ આફ્રિકા આંતરરાષ્ટ્રીય ક્રિકેટમાં પાછું ફર્યું ત્યારે ભારત તેની યજમાની નો પ્રથમ દેશ બન્યો હતો.

આ ગુજરાતી ખેલાડીઓને મળી તક 
દક્ષિણ આફ્રિકા માટેની ટીમમાં 4 ગુજરાતી ખેલાડીઓ જસપ્રિત બુમરાહ, ચેતેશ્વર પૂજારાની પસંદગી થઈ છે જ્યારે ગુજરાતીના ત્રીજા ખેલાડી અરજણ નગવાસલાલાની સ્ટેન્ડબાય ખેલાડી તરીકે રખાયો છે. 

સાઉથ આફ્રિકાએ પોતાની ટીમની જાહેરાત કરી દીધી

સાઉથ આફ્રિકાએ પોતાની ટીમની જાહેરાત કરી દીધી છે સાઉથ આફ્રિકાએ મંગળવારે પોતાની 21 સભ્યોની ટીમની જાહેરાત કરી હતી. તેની ટીમ નીચે મુજબ છે: ડીન એલ્ગર (કેપ્ટન), તેમ્બા બાવુમા, ક્વિન્ટન ડી કોક, કાગિસો રબાડા, સારેલ એર્વી, બી. હેન્ડ્રિક્સ, જ્યોર્જ લિન્ડે, કેશવ મહારાજ, લુંગી એનગિડી, એડન માર્કરામ, વિયાન મુલ્ડર, એનરિક નોર્ટ્યા, કે.પીટરસન, રાસી વાન ડેર ડુસન, કાયલ વેરિન, માર્કો જેન્સન, ગ્લેન્ટન સ્ટુરમેન, પ્રેનેલન સુબ્રમણ્યમ, સિસાન્ડા મગાલા, રાયન રિક્ટન, ડુઆને ઓલિવિયર.