IPLIN
 

વાયરલ / VIDEO: પ્રેક્ટિસ દરમિયાન રોહિત શર્મા અને બાબર આઝમ વચ્ચે મુલાકાત, વીડિયો થયો વાયરલ

Team VTV 03:52 PM, 27 Aug 22 | Updated: 03:53 PM, 27 Aug 22
Follow us
rohit sharma and babar azam met before match

આવતીકાલે મેચ પહેલા ભારત તથા પાકિસ્તાનના કેપ્ટન રોહિત શર્મા અને બાબર આઝમ ખુશીથી મળ્યા, જે વિડીયો સોશિયલ મીડિયામાં વાયરલ થઈ રહ્યો છે.

  • ભારત તથા પાકિસ્તાનની મેચ પહેલા રોહિત શર્મા અને બાબર આઝમ સાથે જોવા મળ્યા 
  • વિડીયો થયો સોશિયલ મીડિયામાં વાયરલ 
  • પાકિસ્તાનમાંઆ પણ છે રોહિત શર્માના ફેન્સ 

આવતીકાલે ભારત તથા પાકિસ્તાન વચ્ચે મેચ 

ભારત તથા પાકિસ્તાન વચ્ચે કાલે એટલે કે 28 ઓગસ્ટનાં રોજ એશિયા કપ હેઠળ મુકાબલો થશે. આ મુકાબલા પહેલા પાકિસ્તાની ટીમના કેપ્ટન બાબર આઝમ અને ભારતીય ટીમના કેપ્ટન રોહિત શર્મા એકબીજા સાથે વાતો કરતા જોવા મળ્યા. તેમની આ મુલાકાતનો વિડીયો પાકિસ્તાની ક્રિકેટ બોર્ડે પોતાના ઓફિશિયલ ટ્વિટર અકાઉન્ટ પર શેર કર્યો છે. ફેન્સ બંને ક્રિકેટરની સ્પોર્ટસમેનશીપ જોઈ કમેંટ્સ સેક્શનમાં વખાણોના પુલ બાંધવા માંડ્યા છે. 

પાકિસ્તાની લોકો પણ રોહિતના ફેન 
ભારતીય ટીમના કેપ્ટન રોહિત શર્માએ ફરી એક વખત દરેક લોકોનું દિલ જીતી લીધું છે. હાલ તેની એક વિડીયો સોશ્યલ મીડિયા પર ખૂબ ઝડપથી વાયરલ થઈ રહ્યો છે. આ વીડિયોમાં પ્રેક્ટિસ પછી પાકિસ્તાની ફેન્સે રોહિતને મળવા માટે અવાજ લગાવી હતી  એ પછી તુરંત જ ભારતીય ટીમના કેપ્ટન રોહિત તેને મળવા મેદાનની બહાર પહોંચી જાય છે. રોહિત શર્મા તેના ચાહકો સાથે હાથ મિલાવે છે અને એવામાં એક ફેન તેને ગળે લગાવવાનો આગ્રહ કરતો હતો પણ એ શક્ય નહતું લાગતું પણ આ પછી રોહિતે તે ફેનની ઈચ્છા પૂરી કરી હતી. 

વિરાટ કોહલીનો પણ પાકિસ્તાની ફેન સાથેનો વિડીયો વાયરલ 
હવે તેમણે પાકિસ્તાનથી યૂએઇ મળવા પહોંચેલ એક વિકલાંગ ફેનનું દિલ જીતી લીધું છે. કિંગ કોહલીની ફેન તેને મળવા માંગતી હતી અને જ્યારે વિરાટ કોહલી પ્રેક્ટિસમાંથી બહાર આવ્યા ત્યારે તે સીધા પોતાની ફેન પાસે પહોંચ્યા. પાકિસ્તાની મહિલા ફેનનાં ચહેરા પર ખુશી જોવાલાયક હતી. 

રોહિતની કેપ્ટનશીપમાં ટીમ અલગ રીતે રમશે 
જ્યારથી રોહિત શર્માના કેપ્ટન બન્યા છે ત્યાર થી જ ભારતીય ટીમે T20 ક્રિકેટમાં તેની રમવાની રીત બદલી નાખી છે. હવે બેટ્સમેનો પ્રથમ બોલથી જ અટેક કરીને રમે છે. કોઈપણ ખેલાડી પીચ પર સેટ થવાનો પ્રયાસ કરતો નથી. અને આમ કરવાથી ટીમ ઈન્ડિયા એ ઘણી જીત પણ મેળવી છે. એશિયા કપમાં ભારત પાકિસ્તાન, બાંગ્લાદેશ, અફઘાનિસ્તાન અને શ્રીલંકા જેવી ટીમો સાથે મેચ રમશે. તમને જણાવી દઈએ કે છેલ્લા બે એશિયા કપમાં ભારત લગાતાર જીતતી આવી છે આ એશિયા કપ પણ જીતશે એવી ચાહકો આશા લગાવીને બેઠા છે.
 

રોહિત શર્મા બાબર આઝમ Rohit Sharma babar azam asia cup 2022
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ