ટીમ ઇન્ડિયા આ વર્ષની શરૂઆતમાં સાઉથ આફ્રિકાના પ્રવાસ પર ગઇ હતી અને આ પ્રવાસ ટીમ માટે સફળ રહ્યો. જોકે ટીમને ટેસ્ટ સીરિઝમાં હારનો સામનો કરવો પડ્યો હતુ પરંતુ વનડે અને T-20 સીરિઝમાં જીત મેળવીને ટીમે ઇતિહાસ રચી દીધો હતો.
'વૉટ ધ ડક' શોમાં આપેલા એક ઇન્ટરવ્યૂ દરમિયાન ટીમ ઇન્ડિયાના પ્લેયર રોહિત શર્મા અને અંજ્કિય રહાણેએ આ પ્રવાસ દરમિયાનના કેટલાક કિસ્સાઓ જણાવ્યા. રોહિત શર્માએ આ વાતનો ખુલાસો કર્યો કે તે પ્રવાસ પરથી રવિન્દ્ર જાડેજાના મોઢા પર મુક્કો મારવા માંગતો હતો.
જી હા રોહિતે આ ઈન્ટરવ્યૂમાં જણાવ્યું કે સાઉથ આફ્રિકાના પ્રવાસ દરમિયાન ટીમ ઇન્ડિયા જોહાનિસબર્ગથી 90 કિલોમીટર દૂર મઝીકી સફારી ફરવા માટે ગયા હતા. તે સમયે તેઓ લેપર્ડ વોક જોવા માટે જંગલમાં અંદર સુધી ગયા હતા. આ સફારી દરમિયાન રોહિત સાથે તેની પત્ની રિતિકા અજિક્ય રહાણે રાધિકા અને રવિન્દ્ર જાડેજા પણ સાથે હતો.
રોહિતે આગળ જણાવ્યું કે ''લેપર્ડ તેની આંખોમાં જોઈ રહ્યોય હતો ત્યારે રવીન્દ્ર જાડેજા અલગ-અલગ પ્રકારના અવાજો નિકાળી પોતાની તરફ બોલાવવાનો પ્રયત્ન કરી રહ્યો હતો. જેના કારણે રોહિત શર્મા ખુબ ગુસ્સે થઈ ગયો હતો અને તેણે જણાવ્યું કે તે સમયે મને ઈચ્છા થઈ હતી કે તેને મોઢા પર એક મુક્કો મારી દઉં.''
અંજ્કિય રહાણેએ આગળ કહ્યુ કે જાડેજા જે રીતે અવાજ કરી રહ્યો હતો તે રીતે તેણે અવાજ ન કરવી જોઇએ. જોકે આ ઘટના પછી રોહિત નક્કી કરી લીધુ કે તે ક્યારેય પણ જાડેજાની સાથે જંગલ ફરવા માટે નહીં જાય. રોહિતે જાડેજાને સમજાવ્યુ કે ''તે આમ ના કરે તેમની મદદ કરવા માટે કોઇ નહી આવે તેમ છતાં જાડેજા ના માન્યો અને લેપર્ડનું ધ્યાન તેમની તરફ ખેંચવાનો પ્રયત્ન કરતો રહ્યો હતો.''